Education: డా.వైఎస్సార్‌యూహెచ్‌ఎస్‌ అనుబంధ కళాశాలల్లో నర్సింగ్‌ డిగ్రీలు

విజయవాడలోని డా.వైఎస్సార్‌ యూనివర్సిటీ ఆఫ్‌ హెల్త్‌ సైన్సె్‌స(డా.వైఎస్సార్‌యూహెచ్‌ఎస్‌)- బీఎస్సీ నర్సింగ్‌, పోస్ట్‌ బేసిక్‌ బీఎస్సీ నర్సింగ్‌ ప్రోగ్రామ్‌లలో ప్రవేశానికి దరఖాస్తు గడువు పొడిగిస్తూ నోటిఫికేషన్‌ విడుదల చేసింది. రాష్ట్ర వ్యాప్తంగా ఉన్న అనుబంధ కళాశాలల్లో కాంపిటెంట్‌ అథారిటీ కోటా సీట్లు భర్తీ చేయనున్నారు. ఈ కోటా కింద ప్రభుత్వ నర్సింగ్‌ కాలేజీల్లో మొత్తం సీట్లు; ప్రైవేట్‌ అన్‌ ఎయిడెడ్‌ మైనారిటీ, నాన్‌ మైనారిటీ నర్సింగ్‌ కాలేజీల్లో 60 శాతం సీట్లు అలాట్‌ చేస్తారు. ప్రతి ప్రోగ్రామ్‌లో 85 శాతం సీట్లను స్థానికులకు కేటాయించారు. మిగిలిన 15 శాతం సీట్లకు స్థానికులు సహా స్థానికేతర అభ్యర్థులందరూ పోటీపడవచ్చు. వెబ్‌ కౌన్సెలింగ్‌ నాటికి సీట్ల వివరాలు ప్రకటిస్తారు. ప్రభుత్వ నిబంధనల మేరకు రిజర్వేషన్లు వర్తిస్తాయి. తెలుగు రాష్ట్రాల అభ్యర్థులు దరఖాస్తు చేసుకోవచ్చు.

బీఎస్సీ నర్సింగ్‌: ప్రోగ్రామ్‌ వ్యవధి నాలుగేళ్లు. ఇందులో ఎనిమిది సెమిస్టర్లు ఉంటాయి. ఫిజిక్స్‌, కెమిస్ట్రీ, బయాలజీ, ఇంగ్లీష్‌ ప్రధాన సబ్జెక్ట్‌లుగా ఇంటర్‌/పన్నెండోతరగతి ఉత్తీర్ణులు; ఇంటర్‌ ఒకేషనల్‌తోపాటు బయలాజికల్‌ అండ్‌ ఫిజికల్‌ సైన్సె్‌సలో బ్రిడ్జ్‌ కోర్సు పూర్తిచేసినవారు దరఖాస్తు చేసుకోవచ్చు. ఏఐఎ్‌సఎ్‌ససీఈ/ఐసీఎ్‌సఈ/ఎ్‌సఎ్‌ససీఈ/హెచ్‌ఎ్‌ససీఈ/ఎన్‌ఐఓఎ్‌స/ఏపీఓఎ్‌సఎస్‌ అభ్యర్థులు కూడా అప్లయ్‌ చేసుకోవచ్చు. సైన్స్‌ సబ్జెక్టుల్లో జనరల్‌ అభ్యర్థులకు 45 శాతం; బీసీ, ఎస్సీ, ఎస్టీ అభ్యర్థులకు 40 శాతం మార్కులు ఉండాలి. అభ్యర్థుల వయసు 2023 డిసెంబరు 31 నాటికి 17 నుంచి 35 ఏళ్ల మధ్య ఉండాలి. ఏపీఈఏపీసెట్‌ 2023 ర్యాంక్‌ ఆధారంగా అడ్మిషన్స్‌ ఇస్తారు. జనరల్‌ కేటగిరీలో 35682 లోపు; ఎస్సీ, ఎస్టీ, బీసీ కేటగిరీల్లో 42820 లోపు; జనరల్‌ కేటగిరీ దివ్యాంగుల కేటగిరీలో 38058 లోపు ర్యాంక్‌ సాధించినవారికి ప్రథమ ప్రాధాన్యం ఉంటుంది.

పోస్ట్‌ బేసిక్‌ బీఎస్సీ నర్సింగ్‌: ప్రోగ్రామ్‌ వ్యవధి రెండేళ్లు. గుర్తింపు పొందిన బోర్డు/ఎన్‌ఐఓఎ్‌స/ఏపీఓఎ్‌సఎస్‌ నుంచి ఇంటర్‌/పన్నెండోతరగతి ఉత్తీర్ణతతోపాటు జనరల్‌ నర్సింగ్‌ అండ్‌ మిడ్‌వైఫరీ కోర్సు పూర్తిచేసి స్టేట్‌ నర్సింగ్‌ కౌన్సిల్‌ గుర్తింపు పొందినవారు దరఖాస్తు చేసుకోవచ్చు. ఏడాదిన్నర వ్యవధి గల ఎంపీహెచ్‌డబ్ల్యూ కోర్సు పూర్తిచేసినవారు దరఖాస్తుకు అనర్హులు. అభ్యర్థుల వయసు 2023 డిసెంబరు 31 నాటికి 21 నుంచి 45 ఏళ్ల మధ్య ఉండాలి. అకడమిక్‌ మెరిట్‌, జీఎన్‌ఎం మార్కుల ఆధారంగా అడ్మిషన్స్‌ ఇస్తారు

ముఖ్య సమాచారం

దరఖాస్తు ఫీజు: జనరల్‌ అభ్యర్థులకు రూ.2360; బీసీ,ఎస్సీ,ఎస్టీ అభ్యర్థులకు రూ.1888

ఆన్‌లైన్‌ దరఖాస్తుకు చివరి తేదీ: ఆగస్టు 28

వెబ్‌సైట్‌: https://drysr.uhsap.in