విజయవాడ వైఎస్సాఆర్ హెల్త్ వర్సిటీ నుంచి కీలక ప్రకటన.. ఏంటంటే..!
ABN , First Publish Date - 2023-07-26T16:09:16+05:30 IST
విజయవాడలోని డా.వైఎస్సార్‌ యూనివర్సిటీ ఆఫ్‌ హెల్త్ సైన్సెస్ కీలక ప్రకటన విడుదల చేసింది. ఇటీవలే ఎంబీబీఎస్, బీడీఎస్ కోర్సుల్లో ప్రవేశానికి నోటిఫికేషన్ ఇచ్చింది.
అమరావతి: విజయవాడలోని డా.వైఎస్సార్‌ యూనివర్సిటీ ఆఫ్‌ హెల్త్ సైన్సెస్ (dr.ysr university of health sciences) కీలక ప్రకటన విడుదల చేసింది. ఇటీవలే ఎంబీబీఎస్, బీడీఎస్ కోర్సుల్లో ప్రవేశానికి నోటిఫికేషన్ ఇచ్చింది. ఈ నోటిఫికేషన్ ఆధారంగా దరఖాస్తు చేసుకోవడానికి ఈ నెల 26 సాయంత్రం 6 గంటల వరకూ సమయం ఇచ్చింది. అయితే ఈ సమయాన్ని ఒకరోజు పాటు పొడిగిస్తూ హెల్త్ యూనివర్సిటీ తాజాగా ఓ ప్రకటన జారీ చేసింది. 27వ తేదీ సాయంత్రం 6 గంటల వరకూ దరఖాస్తు చేసుకోవచ్చంటూ ప్రకటనలో వెల్లడించింది. ఈ మేరకు హెల్త్ యూనివర్సిటీ రిజిస్ట్రార్ వేమిరెడ్డి రాధికా రెడ్డి ప్రకటన విడుదల చేశారు.
