Extra Salt: ఉప్పు సరిపోలేదని ఇలా మళ్లీ చల్లే అలవాటుందా..? సరిపోయింది.. ఇలా చేస్తే..

కొంతమంది భోజనం స్టార్ట్ చేసింది మొదలు ఎండ్ అయ్యేంత వరకూ ఉప్పు చల్లుకుంటూనే ఉంటారు. ఆహారానికి టేస్ట్ అందిస్తుందని తెగ చల్లుకుంటాం కానీ మన జీవిత కాలాన్ని తగ్గించడంలో ప్రముఖ పాత్ర పోషిస్తుందనే విషయాన్ని మాత్రం తెలుసుకోము. అదనపు ఉప్పును ఉపయోగించని వ్యక్తులతో పోలిస్తే ఉపయోగించే వారిలో 28 శాతం మంది అకాల మరణానికి గురయ్యే ప్రమాదం ఉందని అధ్యయనాలు చెబుతున్నాయి. వాస్తవానికి, మహిళలు వారి ఆరోగ్యంపై ఉప్పు మరింత ముప్పుగా పరిణమిస్తుంది. అదనంగా ఉప్పు వినియోగించే మహిళలు అదనంగా ఉప్పు కలిపితే వారి జీవిత కాలాన్ని దాదాపు 2.28 సంవత్సరాలు తగ్గించుకుంటారని నిపుణులు చెబుతున్నారు.

ఉప్పు తీసుకోవడం ఎలా తగ్గించాలి?

1. మీరు మీ ఆహారంలో అదనపు ఉప్పును జోడించవద్దు.

2. ఉప్పును ఆహారంలో చేర్చే ముందు ఎంత తీసుకోవాలనేది తెలుసుకోండి. మీరు ఒక రోజులో ఎంత తింటున్నారో కూడా పరిగణనలోకి తీసుకోవడంలో ఇది మీకు సహాయపడుతుంది.

3. మీరు ఆహారం తినే టేబుల్‌పై ఎప్పుడూ సాల్ట్ షేకర్‌ను ఉంచవద్దు. ఎందుకంటే ఇది టెంప్టేషన్‌ను తగ్గించడంలో సహాయపడుతుంది.

4. ఉప్పగా ఉండే స్నాక్స్ లేదా ఊరగాయలు, పాపడ్‌లు, చిప్స్ వంటి ఆహారాలను పరిమితంగా తీసుకోండి.

5. తక్కువ సోడియం కంటెంట్ ఉన్న ఆహారాన్ని తీసుకోండి. ఇది మీ ఉప్పు తీసుకోవడం నియంత్రించడంలో మీకు సహాయం చేస్తుంది.

6. ఫ్రెష్, ప్రాసెస్ చేయని లేదా కనిష్టంగా ప్రాసెస్ చేసిన ఆహారాలను మాత్రమే ఎంచుకోండి. ఎందుకంటే ప్రాసెస్ చేసిన, ప్యాక్ చేసిన ఆహారాలలో ప్రిజర్వేటివ్స్ ఉండటం వల్ల సోడియం ఎక్కువగా ఉంటుంది.