Bihar : పాట్నాలో భారీ అగ్ని ప్రమాదం.. భయంతో జనం పరుగులు..

పాట్నా : బిహార్‌ (Bihar)లోని పాట్నాలో ఓ మురికివాడలో గురువారం మధ్యాహ్నం భారీ అగ్ని ప్రమాదం (Fire Accident) సంభవించింది. దీంతో ఆ మురికివాడవాసులు తీవ్ర భయాందోళనలతో పరుగులు తీశారు. కష్టపడి సంపాదించుకున్నవాటిలో చేతికి అందినవాటిని కాపాడుకోవడానికి ప్రయత్నించారు. గ్యాస్ సిలిండర్లు, కుర్చీలు వంటివాటిని కాపాడుకోవడం కోసం వారు అనేక కష్టాలు పడ్డారు.

పాట్నాలోని శాస్త్రి నగర్ మురికివాడలో ఈ దారుణం జరిగింది. బాధితులు ఒకరినొకరు అప్రమత్తం చేసుకుంటూ, తమ ప్రాణాలను, వస్తువులను కాపాడుకునేందుకు ప్రయత్నించారు. ‘‘త్వరగా పారిపొండి, త్వరగా ఖాళీ చేసేయండి’’ అంటూ జాగ్రత్తలు చెప్పుకున్నారు.

మంటలను ఆర్పేందుకు కొందరు ప్రయత్నిస్తున్నారు. పోలీసులు, అగ్నిమాపక సిబ్బంది హుటాహుటిన చేరుకుంటున్నారు. ఈ ప్రమాదానికి కారణాలేమిటో ఇంకా తెలియలేదు.

ఇవి కూడా చదవండి :

Padma Awards 2023: కన్నుల పండువగా పద్మ పురస్కారాల ప్రదానోత్సవం

Rahul Gandhi Vs Nirmala Sitharaman : అదానీ-కాంగ్రెస్ గుట్టు బయటపెట్టిన నిర్మల సీతారామన్