BJP: 28 నుంచి బీజేపీ రాష్ట్ర చీఫ్ పాదయాత్ర

ప్యారీస్‌(చెన్నై): ‘ఎన్‌ మన్‌-ఎన్‌ మక్కల్‌’ అనే నినాదంతో రాష్ట్ర బీజేపీ అధ్యక్షుడు అన్నామలై(State BJP president Annamalai) రాష్ట్రవ్యాప్తంగా పర్యటించనున్నారు. జూలై 28వ తేది కేంద్ర హోం శాఖ మంత్రి అమిత్‌షా ఈ యాత్రను ప్రారంభిస్తారని బీజేపీ వర్గాలు తెలిపాయి. కేంద్ర ప్రభుత్వ తొమ్మిదేళ్ల విజయాలను ప్రజల్లోకి తీసుకెళ్లే విధంగా అన్నామలై రామనాధపురం జిల్లా రామేశ్వరం నుంచి పాదయాత్ర ప్రారంభించనున్నారు. ఇందుకోసం పాదయాత్ర సాగే జిల్లాలు, మార్గాల ఎంపిక నిమిత్తం ప్రత్యేక కమిటి ఏర్పాటైంది. కేంద్ర మంత్రి అమిత్‌ షా ప్రారంభించనున్న ఈ పాదయాత్ర రామనాధపురం, తూత్తుకుడి, కన్నియాకుమారి, తిరునల్వేలి, తెన్‌కాశి, విరుదునగర్‌, మదురై అనే దక్షిణ జిల్లాల్లో తొలివిడత పర్యటనగా సాగనుంది.