BJP state chief: బీజేపీ రాష్ట్ర చీఫ్ సంచలన కామెంట్స్... మరో ఆరు నెలల తర్వాత ఆ పథకం మాయం

అడయార్‌(చెన్నై): మరో ఆరు నెలల తర్వాత మహిళలకు ఇచ్చే రూ.వెయ్యి ఆర్థిక సాయం మాయమైపోతుందని బీజేపీ రాష్ట్ర అధ్యక్షుడు కె.అన్నామలై(BJP state president K. Annamalai) అన్నారు. రాష్ట్ర వ్యాప్త పాదయాత్రలో భాగంగా శనివారం తిరుప్పూరు జిల్లా ఉడుమలైలో మాట్లాడుతూ... కాంగ్రెస్‌ అధికారంలో ఉన్నంత వరకు అవినీతి భారీ స్థాయిలో జరిగిందన్నారు. 2014 సంవత్సరం తర్వాత ఒక్క కుంభకోణం కూడా లేకుండా పాలన సాగుతోందన్నారు. ప్రధానమంత్రిగా నరేంద్రమోదీ బాధ్యతలు స్వీకరించిన తొమ్మిదేళ్లలో భారత్‌ సంపన్న దేశంగా అవతరించిందన్నారు. ప్రధాని మోదీ తమిళుడిగా మాత్రమే పుట్టలేదని కానీ, ఆయన గుండె మాత్రం తమిళ్‌.. తమిళ్‌ అని కొట్టుకుంటోందన్నారు. దిండిగల్‌ - పొల్లాచ్చి నాలుగు లేన్ల రహదారి నిర్మాణం ప్రతి తమిళుడి కల అని అది 2024 జూన్‌లో పూర్తికానుందన్నారు.