BJP state president: అన్నామలై పాదయాత్రకు త్వరలో యూపీ సీఎం, కేంద్రమంత్రులు

చెన్నై, (ఆంధ్రజ్యోతి): బీజేపీ రాష్ట్ర అధ్యక్షుడు అన్నామలై(BJP state president Annamalai) నిర్వహిస్తున్న పాదయాత్రలో పాల్గొనేందుకు ఉత్తరాది ను ంచి బీజేపీ జాతీయ నాయకులు, ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌(Uttar Pradesh Chief Minister Yogi Adityanath), కేంద్రమంత్రులు తరలిరానున్నారు. ఇటీవల రామేశ్వరంలో అన్నామలై పాదయాత్రను కేంద్ర హోం మంత్రి అమిత్‌షా(Union Home Minister Amit Shah) ప్రారంభించిన విషయం తెలిసిందే. అన్నామలై యాత్ర మంగళవారం ఐదోరోజుకు చేరింది. ఈ యాత్రలో పది ప్రాంతాల్లో బహిరంగ సభలు నిర్వహించేందుకు బీజేపీ రాష్ట్ర నాయకులు సన్నాహాలు చేపడుతున్నారు. ఈ సభల్లో పాల్గొనేందుకు బీజేపీ జాతీయ అధ్యక్షుడు జేపీ నడ్డా, యూపీ ముఖ్యమంత్రి యోగి, కేంద్రమంత్రులు నితిన్‌ గడ్కరీ, రాజ్‌నాథ్‌సింగ్‌, జయశంకర్‌, నిర్మలా సీతారామన్‌, ధర్మేంద్ర ప్రధాన్‌, మన్సుక్‌ మాండవీయ, భూపేంద్ర సింగ్‌యాదవ్‌ తదితరులు విచ్చేయనున్నారు. పదిచోట్ల ఏర్పాటయ్యే బహిరంగసభల్లో వీరంతా తమ వీలును బట్టి పాల్గొంటారని బీజేపీ రాష్ట్ర నాయకులు చెబుతున్నారు.