BJP state president: ఉమ్మడి పౌర స్మృతిపై సీఎంకు ప్రతులు పంపిస్తాం..

పెరంబూర్‌(చెన్నై): ఉమ్మడి పౌర స్మృతిపై డాక్టర్‌ అంబేడ్కర్‌ ప్రసంగించిన విషయాలను తమిళంలో అనువదించి లక్ష ప్రతులను పంపి ముఖ్యమంత్రి స్టాలిన్‌కు అవగాహన కల్పించనున్నట్లు బీజేపీ రాష్ట్ర అధ్యక్షుడు అన్నామలై(BJP state president Annamalai) తెలిపారు. ఈరోడ్‌లో కేంద్రప్రభుత్వ 9 ఏళ్ల పాలనపై ప్రజలకు వివరించేలా శుక్రవారం రాత్రి బహిరంగ సభ నిర్వహించారు. ఈ సభలో అన్నామలై మాట్లాడుతూ... ప్రధానిగా బాధ్యతలు చేపట్టిన మోదీ దేశాన్ని అభివృద్ధి బాటలో నడిపేందుకు శ్రమిస్తున్నారని అన్నారు. ఆర్థికాభివృద్ధిలో ప్రపంచ దేశాల్లో 11వ స్థానంలో ఉన్న భారత్‌ ప్రస్తుతం 5వ స్థానానికి చేరిందన్నారు. త్వరలోనే జపాన్‌, జర్మనీలను అధిగమించి 3వ స్థానానికి చేరుకుంటుందన్నారు. రాబోయే పార్లమెంటు ఎన్నికల్లో రాష్ట్రంలో బీజేపీ, మిత్రపక్షాలు 39 స్థానాలు కైవసం చేసుకుంటాయని అన్నామలై ధీమా వ్యక్తం చేశారు.