BJP: బీజేపీ అధ్యక్షుడు అంతమాట అనేశారేంటో..

తిరుమల, (ఆంధ్రజ్యోతి): ఇటీవల జరిగిన కర్ణాటక ఎన్నికల్లో ప్రజల తీర్పును గౌరవిస్తామని బీజేపీ తమిళనాడు అధ్యక్షుడు అన్నామలై(BJP Tamil Nadu President Annamalai) అన్నారు. సోమవారం తిరుమల వేంకటేశ్వరస్వామిని దర్శించుకున్న ఆయన ఆలయం ముందు మీడియాతో మాట్లాడారు. 2024లో జరగనున్న పార్లమెంట్‌ ఎన్నికల్లో కర్ణాటక, తమిళనాడు(Karnataka, Tamil Nadu)ల్లో పార్లమెంటు స్థానాలన్నింటినీ బీజేపీనే దక్కించుకుంటుందన్న ధీమా వ్యక్తం చేశారు. కర్ణాటక తరహాలోనే అన్ని రాష్ర్టాల్లో కాంగ్రెస్‌ విజయం కొనసాగుతుందని రాహుల్‌గాంధీ చేసిన వ్యాఖ్యలపై స్పందిస్తూ.. రాజస్థాన్‌, ఛత్తీస్‏గడ్‌, మధ్యప్రదేశ్‌, తెలంగాణల్లో సార్వత్రిక ఎన్నికల్లో బీజేపీ ఎలాంటి సందేహం లేకుండా విజయం సాధిస్తుందన్నారు.