Chennai: ముఖ్యమంత్రి స్టాలిన్‌కు అస్వస్థత..

- కొద్దిరోజులు విశ్రాంతి తీసుకోవాలని వైద్యుల సూచన

చెన్నై, (ఆంధ్రజ్యోతి): రాష్ట్ర ముఖ్యమంత్రి ఎంకే స్టాలిన్‌(Chief Minister MK Stalin) శనివారం ఉదయం జ్వరంతో అస్వస్థతకు గురయ్యారు. దీంతో బిసెంట్‌నగర్‌లో జరగాల్సిన హెల్త్‌ వాకింగ్‌ ట్రాక్‌ల ప్రారంభోత్సవానికి ఆయన హాజరు కాలేకపోయారు. వైరల్‌ ఫ్లూ(Viral flu)తో బాధపడుతున్న స్టాలిన్‌ కొద్ది రోజులపాటు ఇంటిపట్టునే పూర్తిగా విశ్రాంతి తీసుకోవాలని వైద్యులు సూచించారు. ఈ విషయమై స్టాలిన్‌కు ప్రధాన వైద్యుడిగా ఉన్న మద్రాసు ఈఎన్టీ ఫౌండేషన్‌ చీఫ్‌ మెడికల్‌ ఆఫీసర్‌ మోహన్‌ కామేశ్వరన్‌ ప్రకటన జారీ చేశారు. శుక్రవారం రాత్రి నుంచి స్టాలిన్‌ జలుబు, దగ్గు, జ్వరంతో అస్వస్థత చెందారని పేర్కొన్నారు.