CM Stalin: సీఎం స్టాలిన్ ఆసక్తికర కామెంట్స్.. ఆయన ఏమన్నారంటే...

చెన్నై, (ఆంధ్రజ్యోతి): రాష్ట్రంలో ద్రావిడ తరహా పాలనను ప్రజలు మెచ్చుకుంటున్నారని, ఇదే విధంగా కేంద్రంలోనూ ప్రధాన ప్రతిపక్షాల కూటమి ఆధ్వర్యంలో ఈ తరహా పాలనను తెప్పించే దిశగా పార్టీ శ్రేణులంతా ఇప్పటి నుంచే పాటుపడాలని డీఎంకే అధ్యక్షుడు, సీఎం స్టాలిన్‌(CM Stalin) పిలుపునిచ్చారు. ఈ మేరకు సోమవారం ఆయన పార్టీ శ్రేణులకు ఓ లేఖ రాశారు. పదేళ్ల అన్నాడీఎంకే(AIADMK) అంధకారమైన పాలనను నుంచి ప్రజలకు విముక్తి కలిగించామని, ప్రస్తుతం తమ ప్రభుత్వం అమలు చేస్తున్న పథకాలవల్ల ప్రజా జీవితంలో వెలుగులు ప్రసరిస్తున్నాయని పేర్కొన్నారు. కేంద్రంలో తొమ్మిదేళ్లుగా కొనసాగుతున్న బీజేపీ ప్రభుత్వానికి చరమగీతం పాడాల్సిన తరుణం ఆసన్నమైందన్నారు. 26 పార్టీలతో ఏర్పాటైన ఇండియా కూటమి వచ్చే లోక్‌సభ ఎన్నికల్లో విజయం సాధిస్తుందన్నారు. డీఎంకే అధ్యక్షుడిగా గత ఐదేళ్లలో ఎన్నో విజయాలు సాధించగలిగానని తెలిపారు. స్థానిక సంస్థల ఎన్నికలలోనూ, లోక్‌సభ ఎన్నికల్లో, శాసనసభ ఎన్నికల్లో వరుస విజయాలను రాష్ట్ర ప్రజలు తమ పార్టీకి అందించారని ఆయన పేర్కొన్నారు. ప్రస్తుతం రాష్ట్రంలో ద్రావిడ తరహా పాలనను కొనసాగుతుండటాన్ని చూసి ఓర్వలేక బీజేపీ, దాని మిత్రపక్షా లు అక్రమమార్గంలో ఎన్నికల్లో గెలవాలని కుట్ర లు పన్నుతున్నాయని, ఈ వివరాలను ప్రజ ల వద్దకు వెళ్ళి విస్తృతంగా ప్రచారం సాగించాలని కోరారు.