DK Shivakumar: హైదరాబాద్‌లో.. ట్రబుల్ షూటర్ డీకే శివకుమార్

బెంగళూరు, (ఆంధ్రజ్యోతి): తెలంగాణ రాజధాని హైదరాబాద్‌ పర్యటనలో ఉన్న రాష్ట్ర ఉప ముఖ్యమంత్రి డీకే శివకుమార్‌(Deputy Chief Minister DK Shivakumar) శనివారం గ్రేటర్‌ హైదరాబాద్‌ మున్సిపల్‌ కార్పొరేషన్‌ నిర్వహణలోని చెత్త సంస్కరణ విభాగం పనితీరును పరిశీలించారు. ఈ విభాగం పనిచేసే విధానం గురించి అధికారులను అడిగి తెలుసుకున్నారు. ఈ సందర్భంగా బీబీఎంపీ చీఫ్‌ కమిషనర్‌ తుషార్‌ గిరినాథ్‌, డీసీఎం కార్యదర్శి రాజేంద్ర చోళన్‌ ఉన్నారు. కాగా హైదరాబాద్‌లోని ఎంఎస్‏డబ్ల్యూ ఎనర్జీ సొల్యూషన్‌ సంస్థను కూడా డీసీఎం సందర్శించారు. ఈ సంస్థ ఆవరణలోని వెంకటేశ్వరస్వామి ఆలయాన్ని దర్శించుకుని పూజలు నిర్వహించారు. ఉపముఖ్యమంత్రికి నిర్వాహకులు వెంకటేశ్వరస్వామి చిత్రపటాన్ని బహూకరించి సన్మానించారు.