Bollywood : మా గురించి భారతీయులకు తెలిసిందేమీ లేదు : పాకిస్థానీ నటి సనమ్
ABN , First Publish Date - 2023-01-13T18:55:45+05:30 IST
బాలీవుడ్, భారతీయ సంస్కృతుల గురించి పాకిస్థానీలకు చాలా తెలుసునని, అయితే పాకిస్థాన్ సంస్కృతి గురించి
ఇస్లామాబాద్ : బాలీవుడ్, భారతీయ సంస్కృతుల గురించి పాకిస్థానీలకు చాలా తెలుసునని, అయితే పాకిస్థాన్ సంస్కృతి గురించి భారతీయులకు ఏమీ తెలియదని పాకిస్థానీ నటి, మోడల్ సనమ్ సయీద్ వ్యాఖ్యానించింది. ఓ వార్తా సంస్థతో ఆమె మాట్లాడుతూ, వ్యక్తిగతంగా తాను హాలీవుడ్ సినిమాలను చూస్తానని, అయితే పాకిస్థాన్ మొత్తం బాలీవుడ్ సినిమాలను చూస్తూ పెరిగిందని తెలిపింది. తన ముత్తాతలతోపాటు నేటి తరం వరకు అందరికీ మధుబాల, కరీనా కపూర్, దీపికా పదుకొనే వంటివారిని తెలుసునని చెప్పింది. అన్ని తరాలను తాము చూశామని చెప్పింది. బాలీవుడ్‌ను తింటూ, తాగుతూ పెరిగామని చెప్పింది.
బాలీవుడ్ (Bollywood) పాటలు, నృత్యాలు, సంస్కృతి, తినే విధానం, పూజలు చేసే పద్ధతులు వంటివన్నీ తమకు తెలుసునని చెప్పింది. భారత దేశంలో ఏం జరుగుతోందో పాకిస్థానీలందరికీ తెలుసునని పేర్కొంది. కానీ పాకిస్థాన్‌లో ఏం జరుగుతోందో భారతీయులకు తెలియదని (Pakistani actor Sanam Saeed) చెప్పింది.
