Priyanka Gandhi: ఆ గిఫ్ట్ చూసి...నవ్వులే నవ్వులు..వీడియో వైరల్..!

ఇండోర్: వేడెక్కించే ఎన్నికల ప్రచారం మధ్య నేతలు అప్పడప్పుడూ హాయిగా నవ్వుకునే సంఘటనలు చోటుచేసుకుంటూ ఉంటాయి. దీంతో అక్కడ అహ్లాదకర వాతావరణం నెలకొంటుంది. మధ్యప్రదేశ్ ఎన్నికల ప్రచారంలో వేదికపై ఉన్న కాంగ్రెస్ స్టార్ క్యాంపెయినర్ ప్రియాంకగాంధీకి (Priyanka Gandhi) ఒక నాయకుడు బోకే ఇచ్చారు. ఇందులో ఆశ్చర్యం ఏమీ లేదు కానీ, పూలు లేని బోకే ఇచ్చారు. ఇక అక్కడ ఒకటే నవ్వులు. ఇంతకూ ఏంజరిగిందంటే..?

ఈనెల 17న పోలింగ్ జరగనున్న మధ్యప్రదేశ్‌లోని ఇండోర్‌లో బహిరంగ సభకు ప్రియాంక సోమవారం హాజరయ్యారు. పార్టీ నేతలు ఒక్కొక్కరుగా ప్రియాంకను కలుసుకున్నారు. కొందరు పూలు ఇస్తూ, మరికొందరు ఫోటోలు దిగుతూ తమ అభిమానం చాటుకున్నారు. ఆ సమయంలో ఒక నేత ఆమెకు బోకే ఇచ్చారు. అయితే అందులో పువ్వులు లేకపోవడం ఆ నేత చూసుకోలేదు. ప్రియాంక ఆ బోకే వంక చూసి నవ్వు ఆపుకోలేకపోయారు. ఇందులో పూలు ఏవీ? అంటూ ఆమె సరదాగా ప్రశ్నించారు. దీంతో అక్కడున్న వారు మొదట ఆశ్చర్యపోయినా, ఆ తర్వాత ప్రియాంక నవ్వుతో జతకలిపారు. ఇందుకు సంబంధించిన వీడియో ఇప్పుడు సామాజిక మాధ్యమాల్లో వైరల్ అవుతూ...నవ్వులు పూయిస్తోంది.