MP: గవర్నర్‌ను రీకాల్‌ చేయాలని కోరతాం..

- డీఎంకే ఎంపీ టీఆర్‌ బాలు

పెరంబూర్‌(చెన్నై): రాష్ట్రప్రభుత్వం, రాష్ట్రప్రజలకు వ్యతిరేకంగా వ్యవహరిస్తున్న రాష్ట్ర గవర్నర్‌ ఆర్‌ఎన్‌ రవి(Governor RN Ravi)ని రీకాల్‌ చేయాలని పార్లమెంటు సమావేశాల్లో డిమాండ్‌ చేస్తామని డీఎంకే ఎంపీ టీఆర్‌ బాలు(DMK MP TR Balu) తెలిపారు. ఈ మేరకు ఆయన మీడియాతో మాట్లాడుతూ... తొమ్మిదేళ్ల బీజేపీ పాలనలో నిరుద్యోగం, నిత్యావసర వస్తువుల ధరలతో పాటు పేదరికం పెరిగిందన్నారు. కానీ, బీజేపీ నేతలు మాత్రం ప్రపంచం లోనే భారత్‌ అభివృద్ధి పథంలో ఉందని ప్రజలను మభ్యపెట్టేలా ప్రకటనలు గుప్పిస్తున్నారన్నారు. త్వరలో జరగనున్న పార్లమెంటు సమావేశాల్లో పలు విషయాలపై కేంద్రప్రభుత్వాన్ని ప్రశిస్తామని ఎంపీ టీఆర్‌ బాలు తెలిపారు.