New app: ‘ప్రజలతో ముఖ్యమంత్రి....’ కొత్త యాప్‌

- ప్రారంభించిన సీఎం స్టాలిన్‌

అడయార్‌(చెన్నై): వేలూరు కేంద్రంగా డీఎంకే అధ్వర్యంలో జరిగిన ‘ముప్పెరు విళా’లో ఆ పార్టీ అధినేత ఎంకే స్టాలిన్‌(MK Stalin).. ‘ప్రజలతో స్టాలిన్‌’(మక్కలుడన్‌ స్టాలిన్‌) అనే పేరుతో రూపొందించిన యాప్‌ను ఆవిష్కరించారు. ఈ యాప్‌లో ప్రభుత్వం చేపట్టిన సంక్షేమ కార్యక్రమాలతో పాటు ప్రతి నియోజకవర్గ సమాచారం, ప్రభుత్వ పథకాలకు సంబంధించిన వివరాలు పొందుపరిచారు. అలాగే, సీఎం ఆకస్మికంగా చేపట్టే క్షేత్రస్థాయి సమీక్షా సమావేశాలకు సంబంధించిన సమాచారం కూడా ఈ యాప్‌ ద్వారా తెలుసుకోవచ్చు. ప్రభుత్వం అమలుచేసే ప్రతి ఒక్కటీ ప్రతి ఒక్కరికీ లభించాలన్న లక్ష్యంతో ఈ యాప్‌ను అందుబాటులోకి తెచ్చారు.