PM Modi : ప్రజలు బీజేపీపై విశ్వాసంతో ఉన్నారు

ఢిల్లీ: ఛత్తీస్‌గఢ్, రాజస్థాన్‌, మధ్యప్రదేశ్ రాష్ట్రాలలో ప్రజలు బీజేపీ పార్టీపై విశ్వాసంతో ఉన్నారని ప్రధానమంత్రి నరేంద్రమోదీ ( PM Modi ) వ్యాఖ్యానించారు. ఆదివారం నాడు ఢిల్లీలోని బీజేపీ పార్టీ ప్రధాన కార్యాలయంలో మోదీ మీడియాతో మాట్లాడుతూ...‘‘ఈ స్వరం తెలంగాణ వరకు చేరాలి. నేడు అణగారిన వర్గాల కోసం అభివృద్ధి కోసం కృషి చేస్తాం. నేడు పారదర్శకత, సుపరిపాలనతో బీజేపీ గెలిచింది. ఈ వేదికపై నుంచి ఓటర్లందరికీ గౌరవపూర్వకంగా అభివాదం చేస్తున్నాను. తెలంగాణలో బీజేపీ మద్దతు పెరుగుతోంది. ఈ రోజు కూడా నా మనసులో అదే భావన ఉంది. ప్రజలు తీసుకున్న నిర్ణయానికి, హృదయపూర్వక శుభాకాంక్షలు. ఈ ఎన్నికల్లో దేశాన్ని కులాల వారీగా విభజించే ప్రయత్నం చేశారు. నా దృష్టిలో స్త్రీ శక్తి, యువశక్తి, రైతులు, పేదలు అనేవే నాలుగు కులాలు ఉన్నాయి. నేడు పెద్ద సంఖ్యలో OBC, గిరిజన కులాలు బీజేపీ పార్టీకి అండగా ఉన్నారు. ఈ నాలుగు కులాలు ఈ ఎన్నికల్లో మాపై విశ్వాసంతో ఉన్నాయి. మహిళా శక్తిని హృదయపూర్వకంగా అభినందిస్తున్నాను. మహిళ రక్షణ కవచంగా మారితే, విజయాన్ని ఎవరూ ఆపలేరు. ఈ రోజు నేను ప్రత్యేకంగా మహిళా శక్తిని అభినందిస్తాను. నారీ శక్తి బీజేపీకి చేతనైనంత వరకు గెలవాలనే పట్టుదలతో ఉంది. నారీ శక్తి వందన్ చట్టం వారికి నమ్మకం కలిగించింది. మరుగుదొడ్లు, విద్యుత్, నీరు, బ్యాంకు ఖాతాల్లో వారి ఆర్థిక భాగస్వామ్యాన్ని పెంచేందుకు బీజేపీ కృషి చేస్తోంది. మీకు ఇచ్చిన హామీలను 100% నెరవేరుస్తాం. ఇది నా హామీ. గ్యారంటీ ఇస్తే100% అమలు చేస్తాం. రాజస్థాన్, ఛత్తీస్‌గఢ్, తెలంగాణలో యువతను ఉద్యోగాల కుంభకోణం ద్వారా అక్కడి ప్రభుత్వం మోసం చేసింది’’ అని పీఎం మోదీ మండిపడ్డారు.

అశోక్ గెహ్లాట్ ఎప్పుడూ మార్పు కోరుకోలేదు

‘‘కాంగ్రెస్ విధానాల వల్ల గిరిజన సమాజం వెనుకబడిపోయింది. వీరి జనాభా దేశంలో దాదాపు 10 కోట్లు ఉంది. గుజరాత్‌లో గిరిజన సమాజం కాంగ్రెస్‌ పార్టీని తుడిచిపెట్టేసింది. మధ్యప్రదేశ్, ఛత్తీస్‌గఢ్ మరియు రాజస్థాన్‌ రాష్ట్రాలల్లో గిరిజన సమాజం కాంగ్రెస్‌ను ఓడించింది. నేటి ఈ హ్యాట్రిక్ 2024 హ్యాట్రిక్‌కు మార్గం సుగమం చేసింది. ప్రజాస్వామ్యంలో, ప్రజలే తల్లి, తండ్రి. వారి ఆదేశాన్ని గౌరవించాలి, వినయంతో అంగీకరించాలి. ఈ ఫలితాల వల్ల నేను బాధపడ్డాను, కానీ ఆశ్చర్యపోలేదు. కాంగ్రెస్ పార్టీ నిస్సందేహంగా రాజస్థాన్‌లో పాత ఆచారాలు, ఆనవాయితీని మార్చగలదు, కానీ అశోక్ గెహ్లాట్ ఎప్పుడూ మార్పు కోరుకోలేదు. ఇది కాంగ్రెస్ ఓటమి కాదు అశోక్ గెహ్లాట్ ఓటమి. ఈ ఎన్నికల ఫలితాలు అవినీతిపై పోరాటానికి స్పష్టమైన సందేశం ఇచ్చాయి. అవినీతిని సహించేది లేదని నేటి ఫలితాలు రుజువు చేశాయి. ఈ ఎన్నికల ఫలితం కాంగ్రెస్‌, దురహంకార కూటమికి గుణపాఠం చెబుతుంది. దేశ వ్యతిరేక శక్తులకు బలం చేకూర్చే రాజకీయాలు చేయొద్దు. ప్రపంచ ఆర్థిక మాంద్యం భారత్‌పై ప్రభావం చూపుతుందని కొందరు అంటున్నారు. కానీ భారతదేశ ఆర్థిక వ్యవస్థ నిరంతరం అభివృద్ధి చెందుతోంది. నా దేశప్రజల కలలను నెరవేర్చడం నా సంకల్పం, అదే నా ఆధ్యాత్మిక సాధన’’ అని ప్రధాని మోదీ స్పష్టం చేశారు.