Trains: సికింద్రాబాద్‌ - రామనాథపురం మధ్య రైళ్ల కొనసాగింపు

చెన్నై, (ఆంధ్రజ్యోతి): సికింద్రాబాద్‌ - రామనాథపురం(Secunderabad - Ramanathapuram) మధ్య వీక్లీ స్పెషల్‌ ఎక్స్‌ప్రెస్ ను కొనసాగించనున్నట్లు దక్షిణరైల్వే ప్రకటించింది. ఈనెల 6, 13, 20, 27 తేదీల్లో రాత్రి 9.10 గంటలకు సికింద్రాబాద్‌లో బయలుదేరే ఎక్స్‌ప్రెస్‌ (07695).. మరునాడు రాత్రి 11.45 గంటలకు రామనాథపురం చేరుకుంటుంది. తిరిగిఇదే రైలు (07696)..ఈనెల 8, 15, 22, 29తేదీల్లో ఉదయం 9.50 గంటలకు రామనాథపురంలో బయలుదేరి మరునాడు మధ్యాహ్నం 12.50 గంటలకు సికింద్రాబాద్‌ చేరుకుంటుంది. ఈ రైళ్లు నల్గొండ, మిర్యాలగూడ, సత్తెనపల్లి, గుంటూరు(Nalgonda, Miryalaguda, Sattenapally, Guntur), తెనాలి, బాపట్ల, ఒంగోలు, కావలి, నెల్లూరు, గూడూరు(Nellore, Gudur), ఎగ్మూర్‌, చెంగల్పట్టు, విల్లుపురం, తిరుప్పదిరిపులియూర్‌, చిదంబరం, శీర్గాళి, మైలాడుదురై, తిరువారూర్‌, తిరుత్తురైపూండి, ఆదిరాంపట్టినం, పట్టుకోట్టై, ఆరంతాంగి, కారైక్కుడి, శివగంగ, మానామదురై స్టేషన్లలో ఆగుతాయి.