Union Minister: అయ్యో దేవుడా.. ఆయన కూడా ఓ స్టార్‌ క్యాంపైనరా!
ABN , First Publish Date - 2023-04-21T11:27:29+05:30 IST
అయ్యో దేవుడా.. దేశ వ్యతిరేకి కూడా ఓ స్టార్‌ క్యాంపైనరా.. అంటూ కేంద్రమంతి ఒకరు విమర్శించారు.
బెంగళూరు, (ఆంధ్రజ్యోతి): దేశవ్యతిరేకులను ఎవరు ప్రోత్సహిస్తున్నారనేది ప్రజలు గుర్తిస్తున్నారని, దేశ వ్యతిరేక విధానాలకు పాల్పడే ఇమ్రాన్‌ ప్రతాప్‌గర్తీ(Imran Pratap Garti)ని కాంగ్రెస్‌ స్టార్‌ క్యాంపైనర్‌గా నియమించడంపై కేంద్ర మంత్రి శోభాకరంద్లాజే(Union Minister Shobhakarandlaje) తీవ్రంగా మండిపడ్డారు. గురువారం బెంగళూరు బీజేపీ కార్యాలయంలో ఆమె మీడియాతో మాట్లాడారు. కాంగ్రెస్‌ ప్రకటించిన 40మంది స్టార్‌ క్యాంపైనర్‌లలో రాజ్యసభ సభ్యుడు ఇమ్రాన్‌ పేరు ఉందన్నారు. ఉత్తరప్రదేశ్‌(Uttar Pradesh)కు చెందిన అతీక్‌అహ్మద్‌తో ఇతడికి సన్నిహిత సంబంధాలు ఉన్నాయన్నారు. ఇమ్రాన్‌ దేశ వ్యతిరేక విధానాలకు పాల్పడేవారని తెలిసినా రాజ్యసభకు పంపారని మండిపడ్డారు. సమాజంలో ఎవరు దేశద్రోహులో, ఎవరు భక్తులో తెలుస్తుందన్నారు. కాగా కాంగ్రెస్‌ అధికార ప్రతినిధి గౌరవ్‌వల్లభ్‌ విమర్శలపై స్పందించారు. ఆయన మీడియాతో మాట్లాడుతూ ఇమ్రాన్‌ తమ పార్టీకి చెందిన మైనార్టీ సెల్‌ ఛైర్మన్‌ అని అతడు స్టార్‌ క్యాంపైనర్‌గా ఉంటే తప్పు ఏముందని ప్రశ్నించారు.
