Vande Bharat train: దీపావళికి నగరం నుంచి ప్రత్యేక వందేభారత్‌ రైళ్లు

ప్యారీస్‌(చెన్నై): దీపావళి పండుగ రద్దీ పురస్కరించుకొని చెన్నై నుంచి బెంగళూరు, ఎర్నాకుళం(Bangalore, Ernakulam) నగరాలకు ప్రత్యేక వందే భారత్‌ రైళ్లను నడిపేందుకు దక్షిణ రైల్వే శాఖ పరిశీలిస్తోంది. ఈ రైళ్ల సేవల కోసం రైల్వే మంత్రిత్వ శాఖ వద్ద అనుమతి కోరుతూ లేఖ రాసింది. దేశవ్యాప్తంగా పలు నగరాల మీదుగా ప్రస్తుతం వందేభారత్‌ ఎక్స్‌ప్రెస్‌లను నడుపుతున్న విషయం తెలిసిందే. దీపావళి పండుగ(Diwali festival) సందర్భంగా ప్రయాణికుల సౌకర్యార్థం నవంబరు 9 నుంచి 12వ తేది వరకు చెన్నై నుంచి బెంగుళూరు మీదుగా కేరళలోని ఎర్నాకుళం వరకు ప్రత్యేక రైళ్లను నడపనున్నట్లు, రైళ్ల వివరాలు త్వరలో ప్రకటిస్తామని అధికారులు తెలిపారు.