బాగా కారంగా ఉన్న పదార్థాలను తిన్నప్పుడు నాలుక మంట మొదలవుతుంది. దీంతో భరించలేని మంటతో కళ్ళల్లో నీళ్ళుతిరుగుతాయి. వెంటనే నీళ్ళు తాగితే కాస్త ఉపశమనం అనిపించినా నాలుక మంట కారం వల్లే కలిగింది కాబట్టి కాస్త పంచదారో లేదా తీయ్యగా ఉండే మరేదో నోట్లో వేసుకుని కాస్త నోరు కారం తగ్గేవరకూ ఓపిక పడతాం. కానీ మరీ కారం లేని పదార్థాలు తిన్నా, కాస్త వేడిగా ఉన్న పానీయాలు తాగినా కూడా ఇదే పరిస్థితి ఉంటుంది. ఇలా నాలుక భయంకరంగా మంట పుడుతుంటే మాత్రం భరించడం కష్టం ఇది ఎందుకు మొదలవుతుంది. ఈ మంటను పోగొట్టేందుకు మార్గాలు, చికిత్సలు ఏంటే తెలుసుకుందాం.

వేడివేడిగా కాఫీ, టీ తాగినా, ఏదైనా తిన్నా నాలుక కాలడం సహజం, తర్వాత వేడి పదార్థాలు నాలుకకు తగిలితే చాలు జలదరింపు ఉంటుంది. ఇష్టమైన ఆహారం కనబడినప్పుడు వేడి గురించి మరిచిపోయి ఇలా నోట్లో పెట్టుకుంటారు. దీని వల్ల ఒక్కసారిగా నాలుక కాలి.. చిన్నగా మంటగా అనిపించి పొక్కులు ఏర్పడతాయి. కొంతమందికి రెండు, మూడు రోజులకి పరిస్థితి మామూలుకి వస్తే.. మరికొంతమందికి చాలా సమయం పడుతుంది. నాలుక కాలిపోవడం చాలా నొప్పిగా ఉంటుంది. తరచుగా వేడి, రుచికరమైన ఆహారాన్ని తినడానికి ఇబ్బంది కలుగుతూ ఉంటుంది. దీనికి ఇంట్లోనే చేసుకునే చిట్కాలున్నాయి. అవేంటంటే..

నాలుక మండినప్పుడు ఐస్ క్రీం తినండి.

నాలుక మండుతుంటే, వెంటనే ఐస్ క్యూబ్‌ను నాలుకపై ఉంచండి. ఐస్‌క్రీమ్‌ను ఫ్రిజ్‌లో ఉంచినట్లయితే, అది కాలిన నాలుకకు తక్షణ ఉపశమనం ఇస్తుంది.

ఇది కూడా చదవండి: ఈ 9 సీక్రెట్ టిప్స్‌ను పాటించండి చాలు.. ఇంట్లో చేసే బిర్యానీకి కూడా స్టార్ హోటళ్లలో ఉండే టేస్ట్..!

చల్లని పానీయాలు తీసుకోండి.

నాలుక కాలిన వెంటనే చల్లటి నీరు తాగడం వల్ల ఉపశమనం కలుగుతుంది. చల్లని పానీయాలతో రోజంతా హైడ్రేట్ గా ఉండటం కూడా రిలీఫ్ ని ఇస్తుంది.

ఉప్పు నీటితో

ఉప్పు నీటితో పుక్కిలిస్తే కాలిన నాలుకలో ఉపశమనం లభిస్తుంది. ఉప్పు నీటితో నోటిని శుభ్రం చేసుకోండి. ఈ సింపుల్ రెమెడీ అసౌకర్యాన్ని తగ్గించడమే కాకుండా ప్రత్యేక చికిత్స కూడా.

కాలిన నాలుకపై తేనె లేదా చక్కెర

తేనెలో యాంటీ బ్యాక్టీరియల్ గుణాలు ఉన్నాయి. కాలిన ప్రదేశంలో తేనె, పంచదారను పూయడం వల్ల ఇన్ఫెక్షన్ రాకుండా, నొప్పి నుండి ఉపశమనం పొందవచ్చు.

చల్లటి ఆహారం తీసుకోవడం

పెరుగు, ఐస్ క్రీం, కేక్ వంటి చల్లని ఆహార పదార్థాలను తినడం వల్ల నాలుకకు ఉపశమనం లభిస్తుంది. అసౌకర్యాన్ని తగ్గించడానికి ఇది చక్కని మార్గం.