ఉదయాన్నే వేడి వేడి టీ, లేదా కాఫీతో రోజును మొదలుపెడతాం. చిక్కని టీలో సరిపడా పాలు, డికాషన్, చక్కెర సమపాళ్ళలో ఉంటే నోటికి రుచేకాదు. మనసుకు హాయికూడా.. ఇందులో ఏది తగ్గినా చక్కని టీ తాగిన ఫీలింగ్ పోతుంది. ముఖ్యంగా టీలో చక్కెర తగ్గితే మాత్రం నోటికి రుచిగా అనిపించదు. తియ్యటి ఏ తీపి పదార్థం తిన్నా బెల్లంకన్నా చక్కెర ఉండాల్సిందే. కూరలలో ఉప్పు ఎంత ముఖ్యమో.. తీపి పదార్థాలు అనగానే పంచదార ఉండి తీరాల్సిందే. బెల్లం కన్నా పంచదారతో చేసే స్వీట్స్ ని ఇష్టంగా తింటూ ఉంటాం. అయితే మితిమీరిన చక్కెర వాడటం వల్ల అనేక అనారోగ్య సమస్యలు వచ్చిపడతాయి.

చక్కెర మన జీవితంలో ఒక ముఖ్యమైన భాగం అయిపోయింది. దీనిని టీ నుండి స్వీట్ల వరకు ఉపయోగిస్తున్నాం. అది లేకుండా రుచి చప్పగా అనిపిస్తుంది. చక్కెర ప్రపంచవ్యాప్తంగా వినియోగిస్తున్నాం. ఈ చక్కెర వాడకం వల్ల మధుమేహం, ఊబకాయం, దంతాల నష్టం వంటి అనేక ఆరోగ్య సమస్యలతో బాధపడుతున్నప్పటికీ వినియోగంలో ఎలాంటి మార్పూ రాలేదు. ఎక్కువ చక్కెర తినడం వల్ల అధిక రక్తపోటు, గుండె జబ్బులు, కాలేయ వ్యాధులు వచ్చే ప్రమాదం ఉంది. విషయం తెలుసుకుని చక్కెర వాడకం తగ్గించుకుంటే అది శరీరాన్ని ఎలా ప్రభావితం చేస్తుంది అనేది తెలుసుకుందాం.

14 రోజులు చక్కెరను వాడటం తగ్గిస్తే అది శరీరం మీద ఎలాంటి ప్రభావాన్ని చూపుతుందో చూద్దాం.

శరీరంపై చక్కెర ప్రభావం గురించి పోషకాహార నిపుణురాలు న్మామి అగర్వాల్ ఇలా చెప్పారు. 14 రోజుల పాటు, చక్కెరను వాడటం మానేస్తే, దాని ఫలితాలు శరీరంలో చూడవచ్చు. చక్కెర లేనప్పుడు, మన శరీరం రక్తంలో చక్కెర స్థాయిని మరింత ప్రభావవంతంగా నియంత్రించడం ప్రారంభిస్తుంది. జీవక్రియను మెరుగుపరుస్తుంది. వాపును తగ్గిస్తుంది.

ఇది కూడా చదవండి : రోజూ పొద్దున్నే అందరూ కామన్‌గా చేసే బిగ్ మిస్టేక్ ఇదే.. టూత్‌పేస్ట్‌ను వేసే ముందే బ్రష్‌ను కడిగే అలవాటుందా..?

చర్మం, జీర్ణవ్యవస్థ మెరుగ్గా ఉంటుంది.

ఆహారం నుండి చక్కెరను తొలగించడం చర్మం, జీర్ణక్రియపై సానుకూల ప్రభావాలను చూపుతుంది. చక్కెరను తీసుకోకపోవడం వల్ల శరీరం బరువు తగ్గడంలో సహాయపడుతుంది, ఎందుకంటే చక్కెర తగ్గించి తీసుకోవడం వల్ల శరీరం సర్దుబాటు అవుతుంది.

షుగర్ లోపాన్ని పండ్లు, కూరగాయలతో తీర్చండి..

శరీరంలోని చక్కెరను నియంత్రించడంతో తరచుగా మూత్రవిసర్జన, అధిక దాహం లేదా గాయాలు మానకపోవడం వంటి లక్షణాలు అధిక రక్త చక్కెరతో బాధపడుతున్నట్లు సూచిస్తాయి. అటువంటి పరిస్థితిలో, మనం చక్కెర వాడకాన్ని తగ్గించినప్పుడు, రక్తంలో చక్కెరను నియంత్రించవచ్చు. కూరగాయలు, బ్రెడ్, పప్పులతో సహా ప్రతి ఆహార పదార్ధం ద్వారా చక్కెర శరీరానికి సరఫరా అవుతుంది. ఎందుకంటే చక్కెర పరిమాణం ప్రతి ఒక్కరిలో సహజంగా ఉంటుంది. అందువల్ల, రక్తంలో చక్కెర స్థాయిలను నియంత్రించడానికి, ఆరోగ్యంగా ఉండటానికి, తినే వాటిపై శ్రద్ధ వహించడం చాలా ముఖ్యం.