Indian: కెనడాలో ఘోరం.. భారత సంతతి వ్యక్తిని కాల్చిచంపిన గుర్తుతెలియని వ్యక్తులు!
ABN , First Publish Date - 2023-05-30T07:21:41+05:30 IST
కెనడాలోని వాంకోవర్‌ నగరంలో ఓ వివాహ వేడుకలో భారత సంతతికి చెందిన గ్యాంగ్‌స్టర్‌ను గుర్తుతెలియని వ్యక్తులు కాల్చిచంపారు.
ఒటావా: కెనడాలోని వాంకోవర్‌ నగరంలో ఓ వివాహ వేడుకలో భారత సంతతికి చెందిన గ్యాంగ్‌స్టర్‌ను గుర్తుతెలియని వ్యక్తులు కాల్చిచంపారు. ఫ్రేజర్‌ వీధిలో ఈ ఘటన చోటుచేసుకుందని స్థానిక వార్తాసంస్థలు వెల్లడించాయి. ‘‘భారత్‌లోని పంజాబ్‌ కుటుంబానికి చెందిన అమర్‌ప్రీత్‌ సమ్రా(28), అతడి సోదరుడు రవీందర్‌.. దేశ పోలీసులు రూపొందించిన అత్యంత ప్రమాదకర గ్యాంగస్టర్ల జాబితాలో ఉన్నారు. ఇక్కడ జరిగిన ఓ వివాహ వేడుకకు వారిద్దరూ అతిథులుగా హాజరయ్యారు. అక్కడ అమర్‌ప్రీత్‌ నృత్యం చేస్తున్న సమయంలో గుర్తుతెలియని వ్యక్తులు కాల్చిచంపారు. కాల్పుల సమాచారం అందుకుని పోలీసులు వెళ్లేసరికే అమర్‌ప్రీత్‌ ప్రాణాలు వదిలాడు.
