Indian student: ఆస్ట్రేలియాలో ఖలిస్తాన్‌వాదుల దుశ్చర్య.. భారత విద్యార్థిపై ఐరన్‌ రాడ్లతో దాడి!
ABN , First Publish Date - 2023-07-15T07:43:08+05:30 IST
ఖలిస్తాన్‌ వాదుల కార్యకలాపాలను వ్యతిరేకిస్తున్నావని ఆస్ట్రేలియాలో కొందరు 23 ఏళ్ల ఓ భారతీయ విద్యార్థిపై శుక్రవారం ఉదయం ఐరన్‌ రాడ్లతో దాడి చేసి తీవ్రంగా గాయపరిచారు.
భారత విద్యార్థికి తీవ్రగాయాలు.. ఆసుపత్రికి తరలింపు
మెల్‌బోర్న్‌, జూలై 14: ఖలిస్తాన్‌ వాదుల కార్యకలాపాలను వ్యతిరేకిస్తున్నావని ఆస్ట్రేలియాలో కొందరు 23 ఏళ్ల ఓ భారతీయ విద్యార్థిపై శుక్రవారం ఉదయం ఐరన్‌ రాడ్లతో దాడి చేసి తీవ్రంగా గాయపరిచారు. సిడ్నీలోని వెస్టర్న్‌ సబర్బ్‌ మెరిలాండ్‌లో ఈ ఘటన చోటు చేసుకుంది. ఖలిస్తాన్‌ జిందాబాద్‌.. అంటూ తన విధులకు వెళ్తున్న ఆ విద్యార్థిపై వారు దాడి చేశారు. తాను తన కారు డ్రైవింగ్‌ సీటులో కూర్చుంటుండగా.. అకస్మాత్తుగా నలుగురైదుగురు ఖలిస్తాన్‌వాదులు వచ్చారని, వారిలో ఒకరు డోర్‌ తీసి ఐరన్‌ రాడ్‌తో తన ముఖంపై కొట్టాడని ఆ విద్యార్థి వాపోయాడు. అనంతరం కారులో నుంచి తనను గుంజి ఐరన్‌ రాడ్లతో కొట్టారని చెప్పాడు. వారిలో ఇద్దరు ఈ ఘటనను వీడియో తీశారని తెలిపాడు. దాడికి పాల్పడుతున్న సేపు వారు ఖలిస్తాన్‌ జిందాబాద్‌ అని నినదించారు.
