Kuwait: మహిళా రిజర్వేషన్ బిల్లుకు మా పూర్తి మద్దతు: అభిలాష గొడిశాల

కువైత్ సిటీ: ఎమ్మెల్సీ కల్వకుంట్ల కవిత మహిళా రిజర్వేషన్ బిల్లు (Women's Reservation Bill) కోసం చేపట్టిన బృహత్తర కార్యక్రమానికి ఎన్నారై మహిళలుగా తమ పూర్తి మద్దతు ప్రకటిస్తున్నామని బీఆర్ఎస్ ఎన్నారై కువైత్ అధ్యక్షురాలు (BRS NRI Kuwait President) అభిలాష గొడిశాల తెలిపారు. తమ లాంటి ఎంతో మంది ఆడబిడ్డలకు కవితక్క రోల్ మోడల్ అని పేర్కొన్నారు. భారత్ జాగృతి సంస్థ అధ్యక్షురాలయిన కవితక్క కారణంగా ఇవాళ ప్రపంచ వ్యాప్తంగా బతుకమ్మ పండుగని ఇంత ఘనంగా నిర్వహించుకోవడం జరుగుతుందని ఆమె కొనియాడారు. ఇతర దేశాల్లో ఉంటూ కూడా బతుకమ్మ పండుగ ప్రాముఖ్యతను తమ పిల్లలకు తెలియజేస్తున్నందుకు చాలా సంతోషంగా ఉందన్నారు. ఇప్పుడు మహిళా రిజర్వేషన్‌ బిల్లు కోసం కవితక్క మహిళలందరిని ఐక్యం చేసి బిల్లును ఖచ్చితంగా సాధిస్తారని అభిలాష గొడిశాల (Abhilasha Godishala) ఆశాభావం వ్యక్తం చేశారు.