Viral Video: ఈ కుక్క ధైర్యానికి హ్యాట్సాఫ్ చెప్పాల్సిందే.. భారీ వరద నుంచి ఈ కుక్క ఎలా తప్పించుకుందో చూడండి..

కుక్కలు (Dogs) చాలా తెలివైన జంతువులు. ఏవైనా ప్రమాదాలు ఎదురైనపుడు సమయస్ఫూర్తి ఉపయోగించి బయటపడతాయి. అంత సులభంగా తలవంచవు. ప్రస్తుతం వైరల్ అవుతున్న ఓ వీడియో (Viral Video) చూస్తే ఎవరైనా కుక్కల ధైర్యానికి, తెలివికి హ్యాట్సాఫ్ చెప్పాల్సిందే. వైరల్ అవుతున్న ఆ వీడియోలో ఓ కుక్క అత్యంత వేగంగా ప్రవహిస్తున్న వరద నీటి (Flood) నుంచి ప్రాణాలతో బయటపడింది. మనుషులకు కూడా ఆ నీటి వేగాన్ని తట్టుకుని బయటపడడం అంత సులభం కాదు (Dog Videos).

వైరల్ అవుతున్న ఆ వీడియోలో ఓ కుక్క నీటి ప్రవాహంలో చిక్కుకుపోయింది. భారీ వర్షం కురవడంతో మురుగు నీరు అతి వేగంగా డ్రైనేజ్‌లో నుంచి ప్రవహిస్తోంది. అధిక వేగంతో ప్రవహిస్తున్న నీటిలో కుక్క తల మాత్రమే బయటకు కనబడుతోంది. దాని శరీరం పూర్తిగా నీటిలో మునిగిపోయింది. ప్రవహించే నీరు కుక్కపై ఒత్తిడి పెంచుతోంది. అయినప్పటికీ, ఆ కుక్క ఆశను కోల్పోకుండా బతకడం కోసం ప్రయత్నాన్ని కొనసాగిస్తోంది. అయినా బయటకు రాలేకపోతోంది.

Viral Video: ఏంటి బాసూ.. పెళ్లి వేదిక మీదే ఇలా చేస్తే ఎలా.. పాపం ఆ వధువు పరిస్థితి ఏమైందో చూడండి..

నీటి ప్రవాహంలో కొట్టుకుపోతూ గోడ వైపు కదిలింది. చివరకు దానికి ఓ ఆసరా దొరికింది. అయితే ఆ గోడ ఎక్కడానికి ప్రయత్నించి మళ్లీ కింద పడిపోయింది. ఆ సమయంలో ఓ వ్యక్తి వచ్చి ఆ కుక్కను బయటకు లాగాడు. @DaleRTyMG ట్విటర్ హ్యాండిల్‌లో షేర్ అయిన ఈ వీడియో సోషల్ మీడియాలో వైరల్‌గా మారింది. ఆ కుక్క పోరాటంపై చాలా మంది ప్రశంసలు కురిపిస్తున్నారు.