Viral Video: జనాలతో నిండిపోయిన ఢిల్లీ మెట్రోలో యువతి సూపర్ స్టంట్.. ఫైర్ అవుతున్న నెటిజన్లు!

ఢిల్లీ (Delhi) వాసులు మెట్రో రైలును కేవలం ప్రయాణాల కోసం మాత్రమే కాకుండా తమ పాపులారిటీని పెంచుకునేందుకు కూడా ఉపయోగించుకుంటున్నారు. కదులుతున్న రైలులో (Delhi Metro) డ్యాన్స్‌లు చేయడం, స్టంట్లు చేయడం, రొమాన్స్ సాగించడం వంటి పనులు చేస్తూ వాటిని రికార్డు చేసి సోషల్ మీడియాలో పోస్ట్ చేస్తున్నారు. ఆ వీడియోలు సోషల్ మీడియాలో వైరల్ (Viral Video) అవుతున్నాయి. ఇలాంటి పనులు చేసే వారిలో అబ్బాయిల కంటే అమ్మాయిలే ఎక్కువగా ఉండడం గమనార్హం.

తాజాగా ఓ యువతి ఢిల్లీ మెట్రో (Delhi Metro) రైలులో జనాల మధ్య ఓ స్టంట్ (Stunt) చేసింది. కోచ్ ఖాళీగా లేకపోయినా ఆ యువతి రీల్స్ వీడియో కోసం స్టంట్ చేసింది. స్నేహితురాలు రికార్డు చేస్తుండగా ఆమె ఫ్లిప్ చేసింది. చుట్టూ ఉన్న ప్రయాణికులు ఆ యువతి స్టంట్‌ను చూస్తుండిపోయారు. ఈ వీడియోను mishaa_official అనే ఇన్‌స్టాగ్రామ్ హ్యాండిల్‌లో అప్‌లోడ్ చేశారు. ఆ వీడియో లక్షల్లో వ్యూస్ దక్కించుకుంది. 44 వేల మంది ఆ వీడియోను లైక్ చేశారు.

ఆ వీడియోపై నెటిజన్లు తీవ్ర ఆగ్రహం వ్యక్తం చేస్తున్నారు. ఆ వీడియోలోని యువతిపై ట్రోలింగ్‌ (Trolling)కు పాల్పడుతున్నారు. ``ఇలాంటి స్టంట్లు షారూక్, సల్మాన్ ఇంటి ముందు చేయాలి. అప్పుడు పోలీసులు మంచి పాపులారిటీ ఇస్తారు``, ``పబ్లిక్ స్థలాల్లో ఇలా చేయడం నేరం``, ``మెట్రోల్లో ఇలాంటి పనులు చేసిన ఒక్కరి పైనైనా చర్యలు తీసుకుంటే మిగతా వారికి బుద్ధి వస్తుంది`` అంటూ నెటిజన్లు కామెంట్లు చేశారు.