Viral Video: వీళ్లెవరో కానీ.. డబ్బు విలువ బొత్తిగా తెలియదనుకుంటా.. కోట్ల విలువైన ఫెరారీ కారును ఎలా వాడుతున్నారో చూస్తే..!

ప్రపంచంలోని అత్యంత ఖరీదైన లగ్జరీ కార్లలో ఫెరారీ (Ferrari Cars) కూడా ఒకటి. కోట్ల ఖరీదు చేసే ఫెరారీ కారు గురించి సామాన్యులు కలలో కూడా ఆలోచించలేరు. అత్యంత ధనవంతులు మాత్రమే ఫెరారీ కార్లలో తిరగగలరు. అంతేకాదు వారికి ఆ కార్లు అంత ప్రత్యేకంగా ఏమీ అనిపించవు. దాంతో వారు ఆ కార్లతో తమకు ఇష్టం వచ్చినట్టుగా ప్రవర్తిస్తారు. తాజాగా వైరల్ అవుతున్న ఓ వీడియో (Viral Video) చూస్తే మీరు షాక్ అవక తప్పదు. @philipirelandsupercars అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది.

వైరల్ అవుతున్న ఆ వీడియోలో ఓ రెడ్ కలర్ ఫెరారీ కారు పార్క్ చేసి ఉంది. ఆ కారు బానెట్ తెరిచి ఉంది. ఆ బానెట్‌లో ఉన్న గడ్డిని (Grass) ఓ గుర్రం (Horse) తింటోంది. అంటే అత్యంత విలువైన ఫెరారీ కారును ఓ గుర్రం గడ్డి వేయడానికి ఉపయోగిస్తున్నారన్నమాట. ఈ వీడియో సోషల్ మీడియాలో విపరీతంగా వైరల్ అవుతోంది. కొన్ని మిలియన్ల మంది ఈ వీడియోను వీక్షించారు. 4 లక్షల మందికి పైగా ఈ వీడియోను లైక్ చేశారు.

Viral Video: నీ ఓపికకు సలాం చెప్పాల్సిందే.. ఒక్క గంటలో ఎన్ని వేల పుష్-అప్స్ చేశాడో తెలిస్తే..!

ఈ వీడియోపై నెటిజన్లు తమదైన శైలిలో కామెంట్లు చేస్తున్నారు. ``నేను ఇక ఫెరారీ కారు కొనను``, ``దయచేసి నన్ను ఆ కారు యజమానికి పరిచయం చేయండి``, ``ఓ మైగాడ్.. ఫెరారీ కారుపై గడ్డి వేశారా?``, ``చాలా అవమానకరం``, ``కారుపై ఉన్న ఆ గడ్డి ధర ఎంత?``, ``ఇది చాలా పెద్ద నేరం`` అంటూ నెటిజన్లు కామెంట్లు చేశారు.