Viral Video: సింహం సింగిల్‌గా వచ్చింది.. బైక్‌పై దర్జాగా కూర్చున్న దాన్ని చూసి అందరూ షాక్.. అసలు విషయమేమిటంటే..

కొంతమంది వ్యక్తులకు ప్రమాదకర జంతువులను (Wild Animals) పెంచుకోవాలనే కోరిక ఉంటుంది. పాములు, ఎలుగుబంట్లు, కొండచిలువలను పెంచుకునే వ్యక్తులకు సంబంధించిన వీడియోలు సోషల్ మీడియాలో వైరల్ అవుతున్నాయి. కొన్ని దేశాల్లో బాగా ధనవంతులు సింహాలు (Lions), పులుల (Tigers)ను కూడా తమ ఇంటి ఆవరణలో బంధించి ఉంచుతారు. అయితే తాజాగా ఓ వీధిలో పార్క్ చేసి ఉన్న బైక్‌పై సింహం కూర్చుని ఉండడాన్ని చూసి స్థానికులు నివ్వెరపోయారు (Lion was seen sitting on a bike).

kohtshoww అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో పార్క్ చేసి ఉన్న ఓ బైక్‌పై ఓ జంతువు కూర్చుని ఉంది. వెనుక నుంచి ఎవరైనా చూస్తే కచ్చితంగా అది సింహం అనే అనుకుంటారు. సింహం లాంటి రంగు, తల నుంచి మెడ వరకు ఉన్న భారీ జుట్టు ఎవరినైనా గందరగోళానికి గురి చేస్తుంది. అయితే కెమెరా ముందుకు కదులుతున్నప్పుడు, అసలు విసయం బయటపడింది. అది సింహం కాదు కుక్క అని తెలిస్తుంది. తన పెంపుడు కుక్కకు (Dog) ఓ వ్యక్తి సింహం వేషం వేసి మరీ జనాలను కంగారు పెడుతున్నాడు.

Viral Video: ఏం ఐడియా గురూ.. ఆగిపోయిన జనరేటర్‌ను బైక్ టైర్‌తో ఎలా స్టార్ట్ చేశారో చూస్తే..!

ఈ వీడియోను దుబాయ్‌లో చిత్రీకరించారు. ఈ వీడియో సోషల్ మీడియాలో వైరల్‌గా మారింది. ఈ వీడియోకు ఏకంగా కోటికి పైగా లైక్స్ వచ్చాయి. దాదాపు 9 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో స్పందిస్తున్నారు. ``వేసవి కాలంలో ఆ కుక్కు సింహం దుస్తులు వేసి ఎందుకు ఇబ్బంది పెడుతున్నారు``, ``అద్దంలో చూసుకుంటే ఆ కుక్క భయపడుతుంది``, ``నిజంగా అది ఒక సింహం బొమ్మ అనుకున్నాను`` అంటూ నెటిజన్లు కామెంట్లు చేస్తున్నారు.