Funny Video: మరీ ఇంత అమాయకత్వమా? దోమ వాలితే సుత్తితో కొట్టాడు.. ఎముక విరిగి ఆస్పత్రిలో చేరాడు..!

యజమాని ముక్కుపై వాలిన దోమ (Mosquito)ను కత్తితో నరికిన కోతి (Monkey) కథ అందరికీ తెలిసే ఉంటుంది. అది కోతి కాబట్టి దాని అజ్ఞానానికి అందరూ నవ్వుకున్నారు. అయితే తాజాగా ఓ మనిషి కూడా తీవ్ర ఆగ్రహంలో అలాంటి పనే చేశాడు. తన కాలి మీద వాలిన దోమను ఓ సుత్తితో బలంగా కొట్టాడు (Man hit mosquito with hammer). దెబ్బకు ఆ వ్యక్తి కాలు విరిగింది. చివరకు హాస్పిటల్‌లో చేరి ఆపరేషన్ చేయించుకోవాల్సి వచ్చింది. ఈ వీడియో సోషల్ మీడియాలో వైరల్ అవుతోంది (Viral Video).

దోమల బారి నుంచి తప్పించుకునేందుకు మనం రకరకాల ప్రయత్నాలు చేస్తుంటాం. దోమల బారి నుంచి బయటపడేందుకు ఆలౌట్, జెట్ కాయిల్స్ వాడుతుంటాయి. అయినా మన శరీరంపై దోమలు వాలితే దానిని కొట్టి చంపేస్తుంటాం. ఇలాగే ఓ వ్యక్తి కాలిపై కూడా దోమ వాలింది. చేతితో కొడితే ఆ దోమ చచ్చిపోయేదే. అయితే ఆ దోమ అతడికి ఎంత చిరాకు తెప్పించిందో ఏమో పక్కనే ఉన్న సుత్తి (Hammer) తీసి కొట్టాడు. దెబ్బకు ఆ దోమ చచ్చింది. అంతేకాదు ఆ వ్యక్తి కాలి వేలు (Leg Finger) కూడా విరిగింది.

V‏iral Video: నిజమైన దేశభక్తి అంటే ఇదీ.. జెండా ఎగరేయడం కాదు.. కాలవలో జెండాలను చూసి చిన్న కుర్రాడు ఏం చేశాడంటే..

qazaqsolo అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఈ వీడియో (Funny Video) కోట్ల కొద్దీ వ్యూస్ దక్కించుకుంది. దాదాపు 2.50 లక్షల మంది ఈ వీడియోను లైక్ చేశారు. ఈ ఫన్నీ వీడియోపై నెటిజన్లు స్పందిస్తున్నారు. ``వెర్రి పుష్పం 2.0``, ``మరీ ఇంత అమాయడివైతే ఎలా బ్రదర్``, ``ఇది ఫేక్ వీడియో, వ్యూస్ కోసం షూట్ చేశారు``, ``చాలా తెలివైన వాడు`` అంటూ నెటిజన్లు కామెంట్లు చేస్తున్నారు.