Viral Video: మీరు పానీపూరీ తరచుగా తింటారా? అయితే ఈ వీడియో చూడండి.. పానీని మైక్రోస్కోపుతో టెస్ట్ చేస్తే..

ప్రస్తుతం దేశవ్యాప్తంగా అందరూ ఇష్టంగా తినే స్నాక్ ``పానీపూరీ`` (Panipuri). చిన్నా, పెద్దా అనే తేడా లేకుండా అందరూ పానీపూరీలను తినేందుకు ఇష్టపడుతుంటారు. రోడ్ల పక్కన ఉండే పానీపూరీ షాప్‌ల వద్ద నిలబడి తినేస్తుంటారు. పానీపూరీలను విక్రయించే వారు శుభ్రత పాటించడం లేదని ఎన్ని వార్తలు వచ్చినా వాటి క్రేజ్ ఏమాత్రం తగ్గడం లేదు. తాజాగా పానీపూరీకి సంబంధించి మరో షాకింగ్ వీడియో (Panipuri viral video) బయటకు వచ్చింది. ఆ వీడియో చూశాక పానీపూరీ తినాలంటే కాస్తయినా భయం వేస్తుంది (Panipuri experiment).

cobraexperiments అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి మార్కెట్ నుంచి తెచ్చిన పానీపూరీ నీళ్లను డ్రాపర్ సాయంతో తీసుకుని మైక్రోస్కోప్ (Microscope) ద్వారా పరీక్షించాడు. దానిని జూమ్ చేసి చూస్తే ఆ పానీలో మొదట చిన్న చిన్న కూయగూరల కణాలు కనిపించాయి. ఆ తర్వాత మసాలాలు, కొత్తిమీర ఆకులు కనిపించాయి. ఆ తర్వాత చిన్న చిన్న పురుగులు కూడా కనిపించాయి. ఆ వీడియోను ఆ వ్యక్తి సోషల్ మీడియాలో షేర్ చేశాడు. ఆ వీడియో (Shocking Video) సోషల్ మీడియాలో వైరల్‌గా మారింది.

Chandrayaan-3: ఆస్ట్రేలియా గగనతలంపై చంద్రయాన్-3.. వైరల్ అవుతున్న సూపర్ ఫొటో!

ఇప్పటివరకు ఈ వీడియో (Viral Video)ను 4 లక్షల మందికి పైగా లైక్ చేశారు. 10 లక్షల మందికి పైగా వీక్షించారు. ఈ వీడియోపై నెటిజన్లు భారీగా స్పందిస్తున్నారు. ``ఓ మైగాడ్.. పానీపూరీ చాలా ప్రమాదకరం``, ``ఈ వీడియో చూసిన వారందరూ ఆ తర్వాత పానీపూరీ తింటారు``, ``పానీపూరీలకు దూరంగా ఉండడం కష్టం`` అంటూ నెటిజన్లు కామెంట్లు చేస్తున్నారు.