అక్షయ తృతీయ అనేది హిందువులు జరుపుకునే ఒక శుభ సందర్భం. చాలా మంది ఈ రోజున బంగారం కొనడానికి ఇష్టపడతారు. 2023లో, అక్షయ తృతీయ ఏప్రిల్ 22న జరుపుకోబోతున్నాం. ఈ పండుగ సందర్భంగా పెట్టుబడికి సంబంధించిన అంశాలలో బంగారం ఒకటి కాబట్టి, పెట్టుబడి కోసం భౌతికంగా బంగారంపైనే ప్రజలు ఎక్కువగా ఆధారపడుతున్నారు. అయితే, కరోనా తరవాత ఈ ఆలోచన మారింది. పెట్టుబడిదారులు బంగారంతోపాటు మిగతావాటిలో కూడా పెట్టుబడులు పెట్టుకునేలా ఆలోచిస్తున్నారు. దీనికి చాలా బలమైన కారణాలే ఉన్నాయి. బంగారం ఎక్కువగా తీసుకోవడం కన్నా, దాన్ని స్థానంలో ఆస్తి రూపంలోనే తీసుకోవడం మంచిది. త్వరలో పిల్లల వివాహాలు ఉన్నట్లుయితే బంగారం తీసుకోక తప్పదు. అదే పిల్లాడి చదువు పూర్తి కావడానికి సమయం ఎక్కువ ఉంటే కనక ఆస్తి రూపంలో పెట్టుబడి పెట్టడం మంచిది.

ఈ అక్షయ తృతీయను పరశురామ జయంతిగా కూడా జరుపుకుంటారు, ఇది హిందూ మతంలో అత్యంత పవిత్రమైన రోజులలో ఒకటిగా వస్తూ ఉంది. ఏదైనా డబ్బు పెట్టుబడికి ఈరోజు మంచిదని నమ్ముతారు. కాబట్టి, అక్షయ తృతీయనాడు ఏమి కొనాలి? అనే దానిమీద ఓ ఖచ్చితమైన నిర్ణయం ప్రతి ఒక్కరూ తీసుకోవాలి. కోవిడ్-19 తరవాత ప్రతి ఒక్కరి జీవన విధానంలో ఎన్నో మార్పులు వస్తూ ఉన్నాయి. ఇలాంటి క్లిష్టమైన పరిస్థితుల్లో కుటుంబానికి అత్యంత ముఖ్యమైనదాన్ని కొనుగోలు చేయడం విషయంలో కాస్త తెలివిగా ఆలోచించాలి. అలాగే, బంగారం, ఆస్తి ఈ రెండింటికి సంబంధించిన ఈ ఆర్థిక అంశాలను పరిశీలిద్దాం.

ఆదాయ ఉత్పత్తి

ఎదైనా ఆదాయ వనరుగా, ఆర్థిక వనరుగా మార్చుకోవాలంటే దాని మీద పూర్తి అవగాహన అవసరం. అదే బంగారం మీద పెట్టుబడి పెట్టి కొన్నామంటే దాని మీద ఎలాంటి రాయితీలు గానీ, వడ్డీలు గానీ నెల అయ్యేసరికి అందవు. అదే స్థిర ఆస్తిని కొనుగోలు చేస్తే దానిని అద్దెకు ఉవ్వడం ద్వారా ఆదాయాన్ని పొందవచ్చు. అదే స్థలం లాంటిదే తీసుకుంటే అది సంవత్సరానికి ధర పెరిగి కనిపిస్తుంది.

పన్ను ప్రయోజనాలు

పైగా బంగారం కొనడం వల్ల ఎలాంటి పన్ను ప్రయోజనం ఉండదు. కానీ రియల్ ఎస్టేట్‌లో, అనేక పన్ను ప్రయోజనాలు పొందవచ్చు. సెక్షన్ 24 ప్రకారం, గృహ రుణంపై చెల్లించే వార్షిక వడ్డీ రూ. 2 లక్షలు, రుణం యొక్క ప్రధాన చెల్లింపు సెక్షన్ 80C క్రింద వస్తుంది. ప్రభుత్వం రూ.లక్ష వరకు సబ్సిడీ కూడా ఇస్తుంది. 2.67 లక్షలు గృహ రుణం పొందితే, వడ్డీ భారం తగ్గుతుంది.

దీర్ఘకాలిక లాభాలు

2011లో బంగారం విలువ దాదాపు రూ. 26,400 ఇప్పుడు దాదాపు రూ. 49,000. పెట్టుబడి పరంగా, అది 6.4% వార్షిక రేటు, ఎవరైనా 2011లో FDలో 10 సంవత్సరాల పాటు పెట్టుబడి పెట్టడం మరింత లాభదాయకంగా ఉండేది. ప్రాపర్టీలు సగటు వార్షిక రాబడిని దాదాపు 20% అందిస్తాయి, బంగారంతో సంపాదించగలిగే దానికంటే చాలా ఎక్కువ.

షేర్ మార్కెట్ ప్రభావం

బంగారం ఒక విలాసవంతమైన వస్తువు. ఇది ఆర్థిక ఇబ్బందుల సమయంలో విక్రయించేందుకు ఉపయోగపడే మొదటిది. షేర్ మార్కెట్ పతనమైనప్పుడు, పెట్టుబడిదారులు అస్థిరమైన ఆస్తి అయిన బంగారం హోల్డింగ్ లను విక్రయిస్తారు. దీనితో అమ్మకం బంగారం ధరలు తగ్గుతాయి. అదే ఆస్తి ధరలు వ్యక్తిగతంగా ఉంటాయి. దీనివల్ల ఆర్థిక వ్యవస్థ క్షీణించినపుడు స్థిరఆస్తులపైన ప్రభావం అకస్మాత్తుగా ఉండదు.

ఇది కూడా చదవండి: తెల్లజుట్టుకు వారం వారం హెయిర్ డై వేస్తున్నారా ? ఇక అంత శ్రమ అవసరం లేదు..ఇలా చేసి చూడండి.

విలువను జోడించడం

ఆస్తిని తిరిగి అమ్మడం వల్ల దాని విలువ పెరుగుతుంది. దీనికి సౌకర్యాలు కూడా విలువను పెంచుతాయి. కొన్న ఆస్తికి సౌకర్యాలు అంటే బస్ ఫెసిలిటీ, స్కూల్, హాస్పిటల్, అలాగే రైల్వే సౌకర్యాలు దగ్గరగా ఉంటే ఆ ప్రోపర్టీ విలువ అమాంతం పెరుగుతుంది. అదే బంగారం అయితే దాని విలువ క్యారెట్ ఆధారపడి ఉంటుంది.

భద్రత

ఏదైనా ఆస్తికి బ్యాంక్ ద్వారా రుణాలు అందుతాయి. గృహ బీమాలు కూడా చేయవచ్చు. అదే గోల్డ్ బ్యాంక్ లాకర్ లో మాత్రమే సెక్యూరిటీ రూపంలో పెట్టగలం. అంతే గానీ దానిమీద ఎలాంటి ఆదాయాన్ని పొందలేము. దొంగల చేతికి చిక్కకుండా మాత్రమే కాపాడుకోగలం అంతే.

సామాజిక భద్రత

భవిష్యత్తు ఆర్థిక భద్రత గురించి ఆలోచించి బంగారంలో పెట్టుబడి పెడతారు. కానీ ఇప్పుడు, ఆర్థిక భద్రత విషయానికి వస్తే రియల్ ఎస్టేట్ అత్యుత్తమ ఆస్తులలో ఒకటిగా నిరూపించబడింది. ప్రస్తుత అవసరానికి అనుగుణంగా, బంగారం, ఆస్తి రూపంలో ఏది తీసుకోవడం మంచిదనే విషయంలో సరైన నిర్ణయం తీసుకోవలసింది మీరే.