Agra Shocking Video: మధ్యప్రదేశ్‌ (Madhya Pradesh) లో ఇటీవల గిరిజనుడిపై ఓ వ్యక్తి మూత్రం పోసిన (Urinating) సంఘటన మరువక ముందే ఆగ్రా (Agra) లో అలాంటి మరో సంఘటన వెలుగులోకి వచ్చింది. తీవ్ర గాయాలతో అపస్మారక స్థితిలో రోడ్డు పక్కన పడి ఉన్న ఓ వ్యక్తిపై మూత్రం పోస్తూ వీడియో తీసుకున్నాడు ఓ ప్రబుద్ధుడు. ఈ వీడియో సామాజిక మాధ్యమాల్లో (Social Media) వైరల్‌గా మారింది. చివరికి పోలీసులు దృష్టికి వెళ్లడంతో వెంటనే రంగంలోకి దిగి వీడియోలోని దృశ్యాల ఆధారంగా మూత్రం పోసిన వ్యక్తిని అరెస్ట్ చేశారు. కాగా, వీడియో తీసిన మరో వ్యక్తి పరారీలో ఉన్నాడని, అతడి కోసం దర్యాప్తు కొనసాగుతోందని పోలీసులు వెల్లడించారు.

అయితే, ఈ వీడియో ఇప్పటిది కాదని పోలీసులు తెలిపారు. మూడు నాలుగు నెలల క్రితం నాటి వీడియో అని చెప్పారు. ఇప్పుడు వైరల్ అయ్యిందని చెప్పుకొచ్చారు. ఇక గాయాలతో పడి ఉన్న వ్యక్తిపై మూత్రం పోసిన ప్రబుద్ధుడిని ఆదిత్యగా, వీడియో తీసిన వ్యక్తి అటుస్‌గా గుర్తించినట్టు నగర డిప్యూటీ కమిషనర్ ఆఫ్ పోలీస్ (Deputy Commissioner of Police) సురజ్ కుమార్ రాయ్ తెలిపారు. వీడియో వైరల్‌ (Viral Video) గా మారిన వెంటనే నిందితుల కోసం గాలింపు చర్యలు చేపట్టామని చెప్పిన ఆయన.. గంటల వ్యవధిలోనే మూత్రం పోసిన ఆదిత్యను అదుపులోకి తీసుకున్నట్లు చెప్పారు. అతడు ఇచ్చిన సమాచారంతో వీడియో తీసిన అటుస్ కోసం గాలిస్తున్నట్లు వెల్లడించారు. ఈ అమానవీయ చర్యకు పాల్పడిన నిందితుడిపై హత్యాయత్నం కేసు నమోదు చేసినట్టు తెలిపారు.

Viral Video: ఢిల్లీలో షాకింగ్ ఘటన.. బైకర్‌పై ఎద్దు దాడి.. నడిరోడ్డుపై వీరంగంతో హడలెత్తిపోయిన వాహనదారులు..!