India vs Sri Lanka: ఎదురీదుతున్న శ్రీలంక

గువాహటి: భారత్‌తో జరుగుతున్న తొలి వన్డేలో శ్రీలంక (Sri Lanka) ఎదురీదుతోంది. టీమిండియా(Team India) నిర్దేశించిన 374 పరుగుల విజయ లక్ష్యంతో బ్యాటింగ్‌కు దిగిన శ్రీలంక క్రమం తప్పకుండా వికెట్లు కోల్పోతోంది. ఫలితంగా పరుగుల వేగం మందగించింది. చేయాల్సిన పరుగులకు, ఉన్న బంతులకు మధ్య అంతరం బాగా పెరిగిపోతోంది. 136 పరుగులకే నాలుగు కీలక వికెట్లు కోల్పోయిన లంక ఓటమి దిశగా పయనిస్తోంది.

సహచరులందరూ ఒక్కొక్కరుగా వెనుదిరుగుతున్నా ఓపెనర్ పాథమ్ నిశ్శంక (Pathum Nissanka) మాత్రం అర్ధ సెంచరీ సాధించి క్రీజులో ఉన్నాడు. ప్రస్తుతం 27 ఓవర్లు పూర్తయ్యాయి. లంక నాలుగు వికెట్ల నష్టానికి 148 పరుగులు చేసింది. నిశ్శంక 63, కెప్టెన్ దాసున్ షనక 4 పరుగులతో క్రీజులో ఉన్నారు. భారత బౌలర్లలో సిరాజ్ రెండు వికెట్లు తీసుకోగా, షమీ, మాలిక్ చెరో వికెట్ తీసుకున్నారు.