Congress: కాంగ్రెస్ కీలక ప్రకటన.. వివరాలు వెల్లడించిన మహేశ్వర్‌రెడ్డి

హైదరాబాద్: నియోజకవర్గాల్లో పాదయాత్రకు ఏఐసీసీ (AICC) ఆదేశాలు ఇచ్చినట్టు కాంగ్రెస్ నేత మహేశ్వర్రెడ్డి (Maheswar Reddy) ప్రకటించారు. జనవరి 26 నుంచి 2 నెలల పాటు నియోజకవర్గాల్లో పాదయాత్ర ఉంటుందని చెప్పారు. నియోజకవర్గాల్లో పాదయాత్ర అనంతరం రాష్ట్ర రాజధానిలో జాతీయ, రాష్ట్ర నాయకత్వం పాదయాత్ర చేస్తుందని, ఇందులో రాష్ట్ర పీసీసీ(PCC), రాహుల్గాంధీ (Rahul Gandhi) పాల్గొంటారని వెల్లడించారు.

ఏఐసీసీ ఇచ్చిన సర్క్యూలేషన్ను డీసీసీలు అందరికీ పంపిస్తామని మహేశ్వర్‌రెడ్డి తెలిపారు. పీసీసీ తరుపున ప్రతి నియోజకవర్గం నుంచి ఇద్దరు పరిశీలకులు ఉంటారన్నారు. తన వద్ద ఏఐసీసీ నుంచి అందిన సర్క్యులర్ సమాచారం మాత్రమే ఉందని, రాష్ట్రవ్యాప్త పాదయాత్ర సమాచారం లేదని క్లారిటీ ఇచ్చారు. అవగాహన సదస్సు సమాచారం తనవద్ద లేదని తెలిపారు.