Amit Shah: రేపు తెలంగాణలో అమిత్ షా పర్యటన

హైదరాబాద్: రేపు తెలంగాణలో కేంద్ర హోంమంత్రి అమిత్ షా ( Amit Shah ) పర్యటించనున్నారు. రాత్రి 10గంటలకు బేగంపేట విమానాశ్రయానకి షా రానున్నారు. అక్కడి నుంచి నేరుగా ఐటీసీ కాకతీయ హోటల్‌కు. రాత్రి అక్కడే బస చేయనున్నారు. ఎల్లుండి ఉదయం 10:30 గంటలకు హోటల్ కత్రియకు అమిత్ షా వెళ్తారు. బీజేపీ మేనిఫెస్టోను షా రిలీజ్ చేయనున్నారు. 11:30గంటలకు బేగంపేట నుంచి గద్వాలకు వెళ్తారు. మధ్యాహ్నం 12:40గంటల నుంచి 1:20 వరకు సభలో అమిత్ షా పాల్గొంటారు. అక్కడి నుంచి హెలికాప్టర్‌లో బయలుదేరి నేరుగా నల్లగొండ జిల్లాకు బయలుదేరుతారు. మధ్యాహ్నం 2:40 గంటల నుంచి మధ్యాహ్నం 3:20 గంటల వరకు వరకు సభలో పాల్గొంటారు. ఆ సభ ముగిశాక అక్కడి నుంచి నేరుగా వరంగల్ జిల్లాకు వెళ్తారు. సాయంత్రం 4:15 గంటల నుంచి 4:55 గంటల వరకు అక్కడి సభలో అమిత్ షా పాల్గొంటారు. సాయంత్రం 5:50గంటలకు బేగంపేట విమానాశ్రయానికి చేరుకుంటారు. అనంతరం సికింద్రాబాద్ క్లాసిక్ గార్డెన్‌లో మాదిగ రిజర్వేషన్ల పోరాట సమితితో పాటు అన్ని అనుబంధ విభాగాలతో నిర్వహించే జాతీయ సమావేశానికి ఆయన హాజరవుతారు. సాయంత్రం 6:10 గంటల నుంచి 7:10 గంటల వరకు ఈ సమావేశం సాగనుంది. భేటీ ముగిశాక అక్కడి నుంచి అమిత్ షా నేరుగా అహ్మదాబాద్‌కు వెళ్తారు.