MP Abhishek Manu Singhvi: ఎన్నికల నియమావళిని బీఆర్ఎస్ ఉల్లంగిస్తోంది

ఢిల్లీ: బీఆర్ఎస్ ( BRS ) పార్టీ స్కాంగ్రెస్ ప్రకటనలపై కాంగ్రెస్ పార్టీ (Congress Party ) అభ్యంతరం వ్యక్తం చేసింది. బీఆర్ఎస్‌పై కేంద్ర ఎన్నికల సంఘానికి ఫిర్యాదు కాంగ్రెస్ పార్టీ చేయనున్నారు. ఎన్నికల సంఘం అనుమతి లేకుండా కాంగ్రెస్ పార్టీని కించపరిచేలా బీఆర్ఎస్ పత్రికా ప్రకటనలు విడుదల చేయడం పట్ల ఎంపీ అభిషేక్ మను సింఘ్వీ (MP Abhishek Manu Singhvi ) అభ్యంతరం వ్యక్తం చేశారు. ఈ సందర్భంగా అభిషేక్ మను సింఘ్వీ మాట్లాడుతూ...‘‘ఎన్నికల నియమావళిని బీఆర్ఎస్ పార్టీ ఉల్లంగిస్తోంది. కేంద్ర ఎన్నికల సంఘం బీఆర్ఎస్ ప్రకటనలపై చర్యలు తీసుకోవాలి. బీఆర్ఎస్ తప్పుడు ప్రచారాన్ని నిలుపుదల చేయాలి. తెలంగాణలో కుంభకోణాలకు పాల్పడింది కేసీఆరే. ప్రత్యర్థి పార్టీలపై తప్పుడు ఆరోపణలు ప్రకటనలు చేయవద్దని ఈసీ నిబంధనలను బీఆర్ఎస్ పాటించడం లేదు. తెలంగాణలో కాంగ్రెస్ విజయం వైపు వెళ్తుంది’’ అని అభిషేక్ మను సింఘ్వీ పేర్కొన్నారు.