CM KCR: ఉన్న తెలంగాణను ఊడగొట్టిందే కాంగ్రెస్ పార్టీ

హనుమకొండ : ఉన్న తెలంగాణను ఊడగొట్టిందే కాంగ్రెస్ పార్టీ ( Congress party ) అని సీఎం కేసీఆర్ ( CM KCR ) అన్నారు. శుక్రవారం నాడు పరకాలలో ప్రజా ఆశీర్వాద సభ నిర్వహించారు. ఈ సభలో కేసీఆర్ మాట్లాడుతూ...‘‘తెలంగాణ రాకముందు పరకాల నుంచి భీమండి వెళ్లే పరిస్థితి ఉండేది. పేదలను కాపాడుకోవాలని సంక్షేమం అందిస్తున్నాం. నేను సంక్షేమం గురించి చదివితే షాంతాడంత లిస్టు ఉంటుంది. మూడు గంటల గురించి కాంగ్రెస్ మాట్లాడుతుంది, రైతులకు ఆ కరెంటు సరిపోతుందా..? పదివేలున్న రైతుబంధు ప్రభుత్వం రాగానే 16000 పెంచుతాం. చల్లా ధర్మారెడ్డిని తెలంగాణ అసెంబ్లీ ఎన్నికల్లో గెలిపించుకోవాలి. కాంగ్రెస్ పార్టీ నేతలు నోటి కేదోస్తే అది మాట్లాడుతారు. బీఆర్ఎస్ ప్రభుత్వం ప్రజా అవసరాలు తీరుస్తుంది. ఇండియాలో తెలంగాణ రాష్ట్రం తలసరి ఆదాయంలో నెంబర్ వన్‌గా ఉంది. పరకాలలో కోర్టు కూడా ఏర్పాటు చేస్తాం’’ అని సీఎం కేసీఆర్ అన్నారు.