CM KCR: 58 ఏండ్లు అరిగోస పడ్డాం.. తెలంగాణను ఊడగొట్టిందే కాంగ్రెస్

జనగామ: ఎలక్షన్ వచ్చినప్పుడు ప్రజలు జాగ్రత్తగా ఓటు వేసే విధానం రావాలని.. ఇప్పటికీ ఇంకా అంత పరిణత మన దేశంలో రాలేదని ముఖ్యమంత్రి కేసీఆర్ (CM KCR) అన్నారు. సోమవారం స్టేషన్ ఘనపూర్ ప్రజా ఆశీర్వాద సభలో సీఎం మాట్లాడుతూ.. ఈ దేశంలో ఓకే ఒక్క వజ్రాయుధం లాంటిది ఓటు హక్కు అని చెప్పుకొచ్చారు. బీఆర్‌ఎస్ (BRS) పుట్టిందే తెలంగాణ ప్రజల కోసమన్నారు. 15 సంవత్సరకాలం ఉద్యమం చేసి, మీ ఆశీర్వాదంతో తెలంగాణ తెచ్చుకున్నామని.. ఉన్న తెలంగాణను ఊడగొట్టిందే కాంగ్రెస్ పార్టీ (Congress) అని విరుచుకుపడ్డారు. 58 ఏండ్లు అరిగోస పడ్డామన్నారు. కేసీఆర్ శవయత్రనా.. తెలంగాణ జైత్రయాత్రనా అని ఆమరణ దీక్ష చేస్తే.. అప్పుడు దిగొచ్చి తెలంగాణ ప్రకటించారన్నారు. తెలంగాణ రాక ముందు ఆకలి చావులు, కరువు, వలసలు ఉండేవని సీఎం కేసీఆర్ వెల్లడించారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి