Telangana Elections: రూపాయి జీతంతో సేవ చేస్తా... ఎన్నికల ప్రచారంలో కాంగ్రెస్ అభ్యర్థి

కామారెడ్డి: ఎల్లారెడ్డి నియోజకవర్గంలోని గాంధారి మండలంలో కాంగ్రెస్ పార్టీ అభ్యర్థి మదన్మోహన్ (Congress Cadidate Madanmohan) ప్రచారంలో దూసుకుపోతున్నారు. మంగళవారం గుడిమెట్, కరక్ వాడి, బూర్గుల్ గ్రామాల్లో మదన్మోహన్ ప్రచారం నిర్వహించారు. ఈ సందర్భంగా ఆయన మాట్లాడుతూ.. ఎన్నికల్లో జాజాల సురేందర్ (MLA Jajala Surender Reddy) ఓటమి ఖాయమన్నారు. ప్రజలను, కాంగ్రెస్ పార్టీని మోసం చేసిన సురేందర్‌కు బుద్ధి చెప్పాలని కోరారు. ఎమ్మెల్యేగా సురేందర్ ఎల్లారెడ్డికి చేసింది శూన్యమని విమర్శించారు. రూ.30 కోట్లకు ఎల్లారెడ్డి ఆత్మగౌరవాన్ని కేసీఆర్‌కు తాకట్టు పెట్టారని ఆరోపించారు. స్థానిక ప్రజాప్రతినిధులకు దక్కాల్సిన కాంట్రాక్టులను 40 శాతం కమిషన్‌కు ఆంధ్ర కాంట్రాక్టర్లకు అమ్ముకున్నారన్నారు. ఒక రూపాయి జీతంతో ప్రజలకు సేవ చేస్తానని.. ఎల్లారెడ్డిని ఆదర్శ నియోజకవర్గంగా తీర్చిదిద్దుతానని.. ప్రతి గ్రామంలో సిసి రోడ్లు, సైడ్ కాలువలు నిర్మిస్తామని మదన్మోహన్ హామీ ఇచ్చారు.