Pratap Reddy: జనగామ నియోజకవర్గంపై కేసీఆర్ సవతి తల్లి ప్రేమ చూపిస్తున్నారు

సిద్దిపేట జిల్లా: జనగామ నియోజకవర్గంపై సీఎం కేసీఆర్ సవతి తల్లి ప్రేమ చూపిస్తున్నారని.. ఆయన వెంటనే ఇక్కడి ప్రజలకు బహిరంగ క్షమాపణ చెప్పాలని జనగామ కాంగ్రెస్ అభ్యర్థి కొమ్మూరి ప్రతాప్‌రెడ్డి ( Kommuri Pratap Reddy ) అన్నారు. శుక్రవారం నాడు చేర్యాలలో ఎన్నికల ప్రచారం నిర్వహించారు. ఈ సందర్భంగా ఆయన మీడియాతో మాట్లాడుతూ..‘‘నవంబర్ 18వ తేదీన బీఆర్ఎస్ ప్రజా ఆశీర్వాద సభ నేపథ్యంలో సీఎం కేసిఆర్‌కు పలు అంశాలతో సవాల్ విసిరారు. గత ఆరేళ్లుగా చేర్యాల రెవెన్యూ డివిజన్ కోసం అనేక ఉద్యమాలు చేస్తున్నా పట్టించుకోని సీఎం కేసీఆర్ ఏ మొఖం పెట్టుకొని చేర్యాలకు వస్తున్నాడు. తపాస్పల్లి రిజర్వాయర్ ద్వారా గోదావరి జలాలను సిద్దిపేటకు తరలించడం రైతులను మోసం చేయడం కాదా...జనగామ నియోజకవర్గంలో ఏ ఒక్క గ్రామంలో నిరుపేదలకు డబుల్ బెడ్రూం ఇళ్లు ఇవ్వలేదు. స్థానిక కాంగ్రెస్ నాయకులను అంగట్లో సరుకుల్ల కొనుగోలు చేయాలని చూస్తున్నావు’’ అని కొమ్మూరి ప్రతాప్‌రెడ్డి తీవ్ర ఆగ్రహం వ్యక్తం చేశారు.