Mallikarjuna Kharge : రేపు అలంపూర్, నల్గొండ జిల్లాలో ఖర్గే ఎన్నికల ప్రచారం

హైదరాబాద్: రేపు ఏఐసీసీ అధ్యక్షులు మల్లికార్జున ఖర్గే (Mallikarjun Kharge) తెలంగాణ రాష్ట్రంలో పర్యటించనున్నారు. ఎన్నికల ప్రచారంలో భాగంగా కొద్దిసేపటి క్రితమే హైదరాబాద్‌కు మల్లికార్జునఖర్గే చేరుకున్నారు. ఢిల్లీ నుంచి ప్రత్యేక విమానంలో హైదరాబాద్ బేగంపేట విమానాశ్రయనికి వచ్చిన ఖర్గేకు టీపీసీసీ అధ్యక్షులు రేవంత్‌రెడ్డి, ఏఐసీసీ ఇన్‌చార్జ్ మానిక్ రావ్ ఠాక్రే, బోసురాజు, మల్లు రవి, హర్కర వేణుగోపాల్, ఫాయూమ్ తదితరులు స్వాగతం పలికారు. రేపు ఉదయం 12 గంటలకు హెలికాప్టర్‌లో హైదరాబాద్ నుంచి అలంపూర్‌కు ఖర్గే వెళ్లనున్నారు. అక్కడ బహిరంగ సభలో పాల్గొని ఖర్గే ప్రసంగించనున్నారు. అనంతరం సాయంత్రం 4 గంటలకు నల్గొండ ప్రచార సభలో ఖర్గే లో ప్రసంగించనున్నారు. రేపు రాత్రి ప్రత్యేక విమానంలో బేగంపేట నుంచి ఢిల్లీ మల్లికార్జున ఖర్గే వెళ్లనున్నారు.