Mallikarjuna Kharge : కేసీఆర్, ఎమ్మెల్యేలు కుంభకోణాల్లో ఉన్నారు

నల్గొండ : తెలంగాణలో సీఎం కేసీఆర్, ఎమ్మెల్యేలు కుంభకోణాల్లో ఉన్నారని ఏఐసీసీ అధ్యక్షుడు మల్లికార్జున ఖర్గే ( Mallikarjuna Kharge ) సంచలన వ్యాఖ్యలు చేశారు. బుధవారం నాడు ఖర్గే నల్గొండ జిల్లాలో ఎన్నికల ప్రచారం నిర్వహించారు. ఈ సందర్భంగా ఖర్గే మాట్లాడుతూ.. ‘‘ఈ ఎన్నికలు చాలా ముఖ్యమైనవి. నల్గొండ జిల్లా గొప్ప చరిత్ర ఉన్న జిల్లా. అహంకార సీఎంను ఈ ఎన్నిక్లలో ఓడించాలి. ఢిల్లీలో మోదీ, హైదరాబాద్ ఫాంహౌస్‌లో కూర్చున్న కేసీఆర్ ఒక్కరే. మోదీ, కేసీఆర్ లకు నిత్యావసరాల పెరుగుదలతో ఇబ్బందులు పడుతున్న నిరుపేదల జీవితాలు తెలియవు. నాగార్జున సాగర్ ప్రాజెక్టు లేకుంటే తెలంగాణ రైస్ బోల్ అయ్యేదా. కాంగ్రెస్ పార్టీ తెలంగాణలో ఇందిరమ్మ రాజ్యం తీసుకు రాబోతోంది. కేసీఆర్ తెలంగాణలో ప్రతీ ఒక్కరిపై లక్షా 40వేల అప్పు చేసి పెట్టారు.ఉమ్మడి నల్గొండ జిల్లాలో 12కు 12 సీట్లు గెలిపించాలి’’ అని మల్లికార్జున ఖర్గే పిలుపునిచ్చారు.