V Hanumantha Rao : తెలంగాణ ఇచ్చారని నాడు సోనియాను పొగిడిన కేసీఆర్.. నేడు తిడుతున్నారు

ఖమ్మం : కేసీఆర్ పది సంవత్సరాలుగా ముఖ్యమంత్రిగా ఉండి రెండు చోట్ల ఎందుకు పోటీ చేస్తున్నాడని కాంగ్రెస్ పార్టీ సీనియర్ నేత వి. హనుమంతరావు ప్రశ్నించారు. తిరుమలాయపాలెం మండలం ఎలువారిగూడెం పాలేరు కాంగ్రెస్ పార్టీ అభ్యర్థి శ్రీనివాస్ రెడ్డి ఎన్నికల ప్రచారంలో భాగంగా వీహెచ్ మాట్లాడుతూ.. కేసీఆర్ తెలంగాణని బ్రాందీ షాపుల్లో నంబర్ వన్ చేశాడన్నారు. తెలంగాణ రాష్ట్రం కోసం పార్లమెంట్‌లో కొట్లాడింది తామని.. తెలంగాణ ఇచ్చింది సోనియా గాంధీ అని పేర్కొన్నారు. తెలంగాణ వస్తే దళితుణ్ణి ముఖ్యమంత్రి చేస్తానంటే నమ్మారన్నారు. ఆనాడు సోనియాగాంధీని పొగిడిన కేసీఆర్ ఈనాడు ఆమెను తిడుతున్నాడని వీహెచ్ అన్నారు. రాహుల్ గాంధీ తిరుగుతుంటే ఎందుకు వస్తున్నాడని అడుగుతున్నారని.. మీరెందుకు మహారాష్ట్ర పోయారని ప్రశ్నించారు. అన్నం పెట్టే రైతన్నకు ఖమ్మంలో కేసీఆర్ సంకెళ్లు వేయించాడన్నారు. అందుకే కాంగ్రెస్ పార్టీని అధికారంలోకి తీసుకురావాలన్నారు. మీరందరూ హస్తం గుర్తుపై ఓటేసి కాంగ్రెస్ అభ్యర్థులను గెలిపించాలని వీహెచ్ అన్నారు.