Bandi Sanjay: మోదీ చేతనే కేసీఆర్‌కు భారీ గజమాల వేయిస్తాం: బండి సంజయ్
ABN , First Publish Date - 2023-04-07T18:46:43+05:30 IST
రేపు (శనివారం) ప్రధాని మోదీ సభకు సీఎం కేసీఆర్ రావాలని, లేని పక్షంలో తెలంగాణ ద్రోహిగా మిగిలిపోతావ్‌ అని రాష్ట్ర బీజేపీ అధ్యక్షుడు బండి సంజయ్
కరీంనగర్‌: రేపు (శనివారం) ప్రధాని మోదీ సభకు సీఎం కేసీఆర్ రావాలని, లేని పక్షంలో తెలంగాణ ద్రోహిగా మిగిలిపోతావ్‌ అని రాష్ట్ర బీజేపీ అధ్యక్షుడు బండి సంజయ్ (Bandi Sanjay) హెచ్చరించారు. కేసీఆర్ వస్తే ప్రధానితో సన్మానం చేయిస్తామన్నారు. మోదీ చేతనే భారీ గజమాల వేయిస్తామని సంజయ్ ప్రకటించారు. ప్రధానిని అధికార పార్టీ అడ్డుకోవడం సిగ్గుచేటని కేంద్రమంత్రి కిషన్‌రెడ్డి (Union Minister Kishan Reddy) విమర్శించారు. రాష్ట్రాభివృద్ధికి సహకరించాల్సిన అధికార పార్టీ.. ధర్నాలకు పిలుపునివ్వడం దుర్మార్గమన్నారు. మోదీ టూర్‌లో చిన్న సంఘటన జరిగినా.. కేసీఆర్ కుటుంబమే బాధ్యత వహించాలని డిమాండ్ చేశారు. తెలంగాణకు మోదీ మళ్లీ మళ్లీ వస్తూనే ఉంటారని గుర్తుచేశారు. కేంద్రం కాదు.. రాష్ట్ర ప్రభుత్వమే సింగరేణిని ప్రైవేటీకరిస్తోందని తెలిపారు. సింగరేణిని ప్రైవేట్ చేయబోమని రామగుండంలో ప్రధాని స్పష్టం చేశారని ఈ సందర్భంగా ఆయన గుర్తుచేశారు. కూతురి కేసుపై మాట్లాడే కేసీఆర్ పరీక్ష పేపర్‌ లీక్‌పై ఎందుకు స్పందించరని కిషన్‌రెడ్డి ప్రశ్నించారు. ఈ నెల 8న హైదరాబాద్ (Hyderabad)కు ప్రధాని మోదీ వస్తున్నారు. అదే రోజు తెలంగాణ వ్యాప్త ఆందోళనలకు బీఆర్ఎస్ పిలుపునిచ్చింది. ప్రధాని కార్యక్రమంలో నిరసన తెలపాలని బీఆర్ఎస్ నిర్ణయం తీసుకుంది. కేంద్ర ప్రభుత్వ విధానాలు, విభజన హామీల అమలు పెండింగ్‌లపై నిరసనకు తెలపాలని గులాబీ పార్టీ బాస్ పిలుపునిచ్చినట్లు తెలుస్తోంది. ఇప్పటికే రాష్ట్ర బీజేపీ అధ్యక్షుడు బండి సంజయ్ అరెస్ట్‌తో ఉద్రిక్త పరిస్థితులు నెలకొన్నారు. ప్రధాని పర్యటన నేపథ్యంలో బీఆర్ఎస్ ఆందోళనకు పిలుపునివ్వడం అగ్నికి ఆజ్యం పోసినట్లయింది.
8న హైదరాబాద్కు మోదీ
ఈ నెల 8న హైదరాబాద్కు(Hyderabad) ప్రధాని మోదీ(Prime Minister Modi) రానున్నారు. శనివారం ఉదయం 11.30గంటలకు ప్రత్యేక విమానంలో బేగంపేట్ ఎయిర్పోర్ట్కు(Begumpet Airport) వచ్చిన తర్వాత ప్రధాని 11.35 గంటలకు బేగంపేట్ నుంచి రోడ్డు మార్గాన బయలుదేరి 11.45 నిమిషాలకు సికింద్రాబాద్ రైల్వేస్టేషన్కు(Secunderabad Railway Station) చేరుకోనున్నారు. సికింద్రాబాద్-తిరుపతి వందే భారత్ రైల్(Secunderabad-Tirupati Vande Bharat Rail) ప్రారంభించనున్నారు. మోదీ హైదరాబాద్ పర్యటనకు సీఎం కేసీఆర్(Chief Minister KCR) వస్తారా లేదా అనేది రాష్ట్ర రాజకీయాల్లో చర్చనీయాంశంగా మారింది. ఈ విషయంపై కేంద్రమంత్రి కిషన్ రెడ్డి(Union Minister Kishan Reddy) ప్రోటోకాల్ ప్రకారం సీఎం కేసీఆర్‌కు(KCR) ఆహ్వానం పంపినట్లు తెలిపారు. తెలంగాణలో మోదీ (Modi) పర్యటించినప్పుడల్లా కేసీఆర్ దూరంగా ఉంటున్నారు. మోదీ పర్యటనలో ప్రతిసారి సీఎం రాకపోవడంపై సర్వత్రా విమర్శలు వెల్లువెత్తుతున్నాయి.
