Eetala Rajender:గజ్వేల్‌లో కేసీఆర్ బాధితులున్నారు.. వారందరికీ నేను తోడుగా ఉంటా: ఈటల

గజ్వేల్: సీఎం కేసీఆర్(CM KCR) సొంత నియోజకవర్గమైనా గజ్వేల్ లో అభివృద్ధి ఆమడదూరంలో ఉందని బీజేపీ(BJP) ఎమ్మెల్యే ఈటల రాజేందర్(Eetala Rajender) ఆరోపించారు. ఆదివారం గజ్వేల్(Gajwel) లో బీజేపీ కార్యకర్తల సమావేశంలో ఆయన మాట్లాడారు. పదేళ్లలో కేసీఆర్ కు నియోజకవర్గ ప్రజలు గుర్తు రాలేదని.. ఎన్నికల ముందు గుర్తొస్తున్నారని ఎద్దేవా చేశారు. నేను ఇక్కడ పోటీ చేస్తున్నాని తెలియగానే బీఆర్ఎస్(BRS) నేతల గుండెల్లో రైళ్లు పరిగెడుతున్నాయని ఈటల అన్నారు. మంత్రి హరీష్ రావు(HarishRao) గజ్వేల్ లో ప్రచారం చేస్తే.. హరీష్ కు వ్యతిరేకంగా తాను సిద్దిపేటలో ప్రచారం నిర్వహిస్తానని హెచ్చరించారు. అధికారులు చట్టాలకు లోబడి పని చేయాలని.. అధికార పార్టీ నేతల కనుసన్నలో పని చేయకూడదని పేర్కొన్నారు. కేసీఆర్ బాధితులకు తాను అండగా నిలవనున్నట్లు తెలిపారు. గజ్వేల్ లో తిరిగిన ప్రతి చోట వాళ్ల ఓట్లు తనకే వేస్తానని చెబుతున్నారని.. అక్కడే కేసీఆర్ ఓటమి ఖాయమైందని అన్నారు. రాష్ట్రలో రాబోయేది బీజేపీ ప్రభుత్వమేనని వ్యాఖ్యానించారు.