Drugs Case: మాదాపూర్ డ్రగ్స్ కేసులో మరో ట్విస్ట్

హైదరాబాద్: మాదాపూర్ డ్రగ్స్ కేసులో దర్యాప్తు ముమ్మరంగా కొనసాగుతోంది. సినీ ఫైనాన్షియర్ వెంకట్ డ్రగ్స్ కేసులో మరో ట్విస్ట్ వెలుగులోకి వచ్చింది. పలువురు కంజ్యుమర్లను పోలీసులు అదుపులోకి తీసుకున్నారు. నార్కోటిక్ పోలీసుల అదుపులో కీలక వ్యక్తులు ఉన్నట్లు తెలుస్తోంది. 18 మందిలో ఐదుగురు డ్రగ్ కన్జ్యూమర్లు పోలీసుల అదుపులో ఉన్నారు. డ్రగ్స్ సరఫరా చేసిన నైజీరియన్లను ఖాకీలు అరెస్ట్ చేశారు. కొన్ని రోజుల క్రితం మాదాపూర్‌లో డ్రగ్ పార్టీ నిర్వహిస్తున్న అయిదుగురిని పోలీసులు అదుపులోకి తీసుకున్నారు. వీరి నుంచి యాభై గ్రాముల ఎమ్‌డీఎమ్‌ఏతో పాటు, ఎనిమిది గ్రాముల కొకైన్, 24 ఎస్టసీ పిల్స్‌ను నార్కోటిక్స్ టీమ్స్ స్వాధీనం చేసుకున్నారు. ఈ కేసుకు సంబంధించి హైదరాబాద్ సీపీ ఈరోజు(గురువారం) మధ్యాహ్నం మీడియా మ ముందుకు వచ్చి వివరాలు వెల్లడించారు.