Telangana BJP: హైదరాబాద్‌లో బీజేపీ బైక్‌ ర్యాలీ.. పాల్గొన్న కిషన్‌రెడ్డి

హైదరాబాద్: సికింద్రాబాద్ పరేడ్ గ్రౌండ్స్‌లో విమోచన దినోత్సవ ఏర్పాట్లను తెలంగాణ బీజేపీ చీఫ్ కిషన్‌రెడ్డి (Telangana BJP Chief Kishan Reddy) శుక్రవారం ఉదయం పరిశీలించారు. అనంతరం సికింద్రాబాద్ క్లాక్ టవర్ నుంచి పరకాల అమరధామం వరకు బైక్ ర్యాలీగా కిషన్‌రెడ్డి బయలుదేరారు. బీజేపీ ఎన్నికల ఇంఛార్జ్ ప్రకాష్ జవడేకర్ (BJP election in-charge Prakash Javadekar) జెండా ఊపి బైక్ ర్యాలీని ప్రారంభించారు. రాష్ట్ర ప్రభుత్వం తెలంగాణ విమోచన దినోత్సవాన్ని అధికారికంగా నిర్వహించాలని డిమాండ్ చేశారు. విమోచన పోరాటాన్ని పాఠ్య పుస్తకాలలో చేర్చాలని, యోధులు మరణించిన ప్రదేశాలను స్మృతి కేంద్రాలుగా అభివృద్ధి చేయాలన్న డిమాండ్‌తో బీజేపీ బైక్ ర్యాలీ నిర్వహించింది. సికింద్రాబాద్ క్లాక్ టవర్, ఓయూ, తార్నాకా, ఉప్పల్, భైరాన్పల్లి, ఖిలాషాపూర్, పరకాల వరకు బైక్ ర్యాలీ సాగనుంది. సాయంత్రం పరకాల బహిరంగ సభలో కిషన్‌రెడ్డి పాల్గొననున్నారు. కిషన్ రెడ్డి బైక్ ర్యాలీ సందర్భంగా అన్ని అసెంబ్లీ నియోజకవర్గాల్లోనూ బీజేపీ బైక్ ర్యాలీలు నిర్వహించనుంది.