MLC Election Counting : తెలుగు రాష్ట్రాల్లో ఓట్ల లెక్కింపు ప్రారంభం

హైదరాబాద్ : తెలుగు రాష్ట్రాల్లో ఎమ్మెల్సీ ఎన్నికల కౌంటింగ్‌ ప్రారంభమైంది. ముందుగా అనుకున్న ప్రకారమే ఉదయం 8 గంటలకే కౌంటింగ్ మొదలైంది. ఏపీలో 3 గ్రాడ్యుయేట్‌, 2 టీచర్ MLC ప్థానాలు.. 4 స్థానిక సంస్థల ఎమ్మెల్సీ ఎన్నికలకు కౌంటింగ్‌ జరుగుతోంది. హైదరాబాద్‌ టీచర్ ఎమ్మెల్సీ (MLC) స్థానానికి ఓట్ల లెక్కింపు ప్రారంభమైంది. సరూర్ నగర్ ఇండోర్ స్టేడియంలో కౌంటింగ్‌ జరుగుతోంది.

ఏపీలో..

ఉత్తరాంధ్ర పట్టభద్ర ఎమ్మెల్సీ ఓట్ల లెక్కింపు గురువారం ఉదయం ఎనిమిది గంటలకు నగరంలోని స్వర్ణభారతి స్టేడియంలో ప్రారంభమైంది. ఆరు జిల్లాల పరిధిలో మొత్తం 2,89,214 మంది ఓటర్లకు గాను 2,00,924 మంది (69.47 శాతం) ఓటు హక్కు వినియోగించుకున్నారు. ఎన్నిక బ్యాలెట్‌ విధానంలో జరిగినందున లెక్కింపునకు మొత్తం 28 టేబుళ్లు ఏర్పాటుచేశారు. వాటికి ఎదురుగా ఎన్‌క్లోజర్లు పెట్టి అభ్యర్థుల తరపున ఏజెంట్లు కూర్చునేందుకు కుర్చీలు వేశారు. ఏఏ బూత్‌ల బాక్సులు ఏఏ టేబుల్‌పై లెక్కించాలో ముందుగానే నిర్ణయించి ఆ మేరకు ఎన్‌క్లోజర్లపై స్టిక్కర్లు అతికించారు.

తెలంగాణలో..

మహబూబ్‌నగర్‌, రంగారెడ్డి, హైదరాబాద్‌ ఉపాధ్యాయ ఎమ్మెల్సీ ఎన్నికల ఓట్ల లెక్కింపు గురువారం ప్రారంభమైంది. సరూర్‌నగర్‌లోని ఇండోర్‌ స్టేడియంలో అందుకు సంబంధించిన ఏర్పాట్లను రాష్ట్ర ఎన్నికల సంఘం ప్రధానాధికారి వికా్‌సరాజ్‌ బుధవారం పరిశీలించారు. జీహెచ్‌ఎంసీ కమిషనర్‌ లోకే్‌షకుమార్‌, రిటర్నింగ్‌ ఆఫీసర్‌ ప్రియాంక ఆల, ఎన్నికల విభాగం అదనపు కమిషనర్‌ పంకజతో కలిసి అధికారులకు పలు సూచనలు చేశారు. ఈ సందర్భంగా వికా్‌సరాజ్‌ మాట్లాడుతూ.. ఓట్ల లెక్కింపునకు అన్ని ఏర్పాట్లు చేశామని చెప్పారు. ఓట్ల లెక్కింపునకు 28 టేబుళ్లు ఏర్పాటు చేశామని ప్రియాంక ఆల తెలిపారు.