TS News: బండి సంజయ్ మాటలు వింటే నవ్వాలో-ఏడవాలో అర్థం కావడం లేదు: రేవంత్
ABN , First Publish Date - 2023-04-18T17:26:29+05:30 IST
రాష్ట్ర బీజేపీ (BJP) అధ్యక్షుడు బండి సంజయ్ (Bandi Sanjay) మాటలు వింటే నవ్వాలో, ఏడవాలో అర్థం కావడం లేదని టీపీసీసీ చీఫ్ రేవంత్ రెడ్డి (Revanth Reddy) విమర్శించారు.
హైదరాబాద్: రాష్ట్ర బీజేపీ (BJP) అధ్యక్షుడు బండి సంజయ్ (Bandi Sanjay) మాటలు వింటే నవ్వాలో, ఏడవాలో అర్థం కావడం లేదని టీపీసీసీ చీఫ్ రేవంత్ రెడ్డి (Revanth Reddy) విమర్శించారు. తెలంగాణలో బీజేపీ అధికారంలోకి వస్తే.. ఒకే రోజులో 2 లక్షల ఉద్యోగాలను ఇస్తామంటున్నారని అన్నారు. ఏటా 2 కోట్ల ఉద్యోగాలంటూ మోదీ (Modi) మోసం చేశారని మండిపడ్డారు. 22.06 కోట్ల దరఖాస్తులు వస్తే 7,22,311 ఉద్యోగాలు ఇచ్చామని, పార్లమెంట్లో ప్రధాని సమాధానం ఇచ్చారని గుర్తుచేశారు. పార్లమెంట్ సాక్షిగా నిరుద్యోగులను మోసం చేసినట్లు అంగీకరించారని పేర్కొన్నారు. TSPSC కేసులో వాస్తవాలు నిగ్గు తేలలేదన్నారు. రాష్ట్ర అధికారుల విచారణతో నిజాలు బయటకు రావన్నారు. ప్రభుత్వ పెద్దలను కాపాడుకునేందుకే సిట్ను ఉపయోగించుకున్నారని ఆరోపించారు.
